ក្រៅផ្លូវការ៖ Spurs ព្រមលក់ Kane តាមសំណើ ១០០លានរបស់ Bayern
- 2023-08-10 11:18:28
- ចំនួនមតិ 0 | ចំនួនចែករំលែក 0
ក្រៅផ្លូវការ៖ Spurs ព្រមលក់ Kane តាមសំណើ ១០០លានរបស់ Bayern
ចន្លោះមិនឃើញ
ក្លឹប Tottenham Hotspur បានយល់ព្រមលក់ខ្សែប្រយុទ្ធអង់គ្លេស Harry Kane ទៅកាន់ក្លឹបយក្សអាល្លឺម៉ង់ Bayern Munich ក្នុងតម្លៃ ១១០លានដុល្លារអាមេរិក។ នេះបើតាមការចុះផ្សាយព្រោងព្រាតរបស់សារព័ត៌មានបាល់ទាត់ពិភពលោក The Athletic។
នៅទីបំផុត Kane សម្រេចចិត្តចាកចេញពី Spurs ហើយក្រោយពីខាំស្មៅអស់រយៈពេលប្រមាណ ១ទសវត្ស។ កីឡាកររូបនេះមានបំណងចង់ចេញពីក្លឹបអង់គ្លេសមួយនេះ ដើម្បីសម្រេចក្ដីប្រាថ្នាក្នុងការលេងនៅព្រឹត្តិការណ៍បាល់ទាត់អឺរ៉ុប UEFA Champions League ខណៈកុងត្រារបស់ខ្លួននឹងត្រូវផុតកំណត់នៅឆ្នាំ២០២៤ខាងមុខ។
Bayern ក៏តស៊ូណាស់ដែរក្នុងការទិញ Kane ដោយក្លឹបអាល្លឺម៉ង់នេះបានដាក់សំណើទៅកាន់ Spurs ៣ដងមកហើយ។
សូមជម្រាបផងដែរថា Kane ជាខ្សែប្រយុទ្ធលេចធ្លោក្នុងការរកគ្រាប់បាល់របស់ក្រុមអង់គ្លេស និងក្លឹប Spurs។ កីឡាកររូបនេះតាំងពីផ្ដើមអាជីពឈុតធំនៅឆ្នាំ២០១០មក រកបាន ២៩៦គ្រាប់ ក្នុងការបង្ហាញខ្លួន ៥០០ដង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
