រូបសេះសមុទ្រ នឹងធ្វើឱ្យមនុស្សសម្រុកទៅលេងកំពតថ្ងៃចូលឆ្នាំ! ផ្លូវជាតិលេខ៣ នឹងស្ទះខ្លាំងនៅម្តុំអង្គតាសោម និងផ្សារឈូក អ៊ីចឹងមកដឹងពីផ្លូវវាង
- 2024-04-10 02:32:53
- ចំនួនមតិ 0 | ចំនួនចែករំលែក 0
រូបសេះសមុទ្រ នឹងធ្វើឱ្យមនុស្សសម្រុកទៅលេងកំពតថ្ងៃចូលឆ្នាំ! ផ្លូវជាតិលេខ៣ នឹងស្ទះខ្លាំងនៅម្តុំអង្គតាសោម និងផ្សារឈូក អ៊ីចឹងមកដឹងពីផ្លូវវាង
ចន្លោះមិនឃើញ
រូបសំណាកសេះសមុទ្រ ដែលរដ្ឋបាលខេត្តកំពត ទើបតែកសាងឡើង បានទាក់ទាញភ្ញៀវទេសចរយ៉ាងខ្លាំង ម្លោះហើយក្នុងឱកាសថ្ងៃចូលឆ្នាំខ្មែរនេះ បងប្អូនប្រជាពលរដ្ឋនឹងធ្វើដំណើរសម្រុកទៅកាន់ខេត្តកំពតកាន់តែច្រើនជាងរាល់ដង។
ជាធម្មតារាល់ពេលមានបុណ្យទានធំៗម្តងៗ ចរាចរផ្លូវជាតិលេខ៣ មានយានយន្តធ្វើដំណើរច្រើន ដែលមានការកកស្ទះនៅម្តុំផ្លូវបំបែក ជាពិសេសនៅផ្លូវប្រសព្វផ្សារអង្គតាសោម។ បន្ទាប់មក នៅម្តុំផ្សារឈូក ក៏មានការកកស្ទះខ្លាំងផងដែរ។
ដូច្នេះ ប្រសិនបើលោកអ្នកមានបំណងទៅលេងខេត្តកំពត ក្នុងអំឡុងបុណ្យចូលឆ្នាំខ្មែរនេះ គឺអាចពិចារណា ធ្វើដំណើរតាមផ្លូវលេខ៤១បាន គ្រាន់តែផ្លូវនេះកំពុងស្ថិតក្នុងការសាងសង់នៅឡើយ។ យ៉ាងណាមិញ ប្រសិនបើអ្នកត្រូវធ្វើដំណើរតាមផ្លូវជាតិលេខ៣ ដល់អង្គតាសោម គឺអាចបត់ស្តាំហើយជិះរហូតដល់ផ្សារត្រពាំងអណ្តើកផ្លូវជាតិលេខ៤១វិញ ហើយបន្តជិះតាមផ្លូវនេះរហូតដល់ខេត្តខេត្តកំពតតែម្តង។
ជម្រើសមួយទៀត លោកអ្នកក៏ធ្វើដំណើរតាមផ្លូវជាតិលេខ៣១ ដែលការធ្វើដំណើរងាយស្រួលជាងមុនហើយ រហូតដល់ផ្លូវបំបែករង្វង់មូលព្រាបសសន្តិភាព បត់ស្តាំឡើងតាមផ្លូវលេខ ១៣៣៥ ក៏បានដែរ។
ទោះជាយ៉ាងណាក៏ដោយ យើងសូមលើកទឹកឱ្យប្រើប្រាស់ Google Map ដើម្បីមើលពីស្ថានភាពចរាចរណ៍ និងខ្សែផ្លូវ៕