ក្លឹប Manchester ទាំងពីរនឹងប៉ះគ្នានៅវគ្គផ្ដាច់ព្រ័ត្រពាន FA

2024-04-22 13:32:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Manchester ទាំងពីររួមមានក្លឹប Manchester City និងក្លឹប Manchester United នឹងត្រូវប៉ះគ្នានៅក្នុងវគ្គផ្ដាច់ព្រ័ត្រនៃពាននៅក្នុងស្រុកអង់គ្លេសគឺ ពានសមាគមបាល់ទាត់ ឬ ហៅជាភាសាអង់គ្លេសថា FA Cup។

ការឡើងទៅកាន់វគ្គផ្ដាច់ព្រ័ត្រនេះធ្វើឡើងបន្ទាប់ពីក្លឹបទាំងពីរបានយកឈ្នះគូប្រកួតរបស់ខ្លួនរៀងៗខ្លួននៅក្នុងវគ្គពាក់កណ្ដាលផ្ដាច់ព្រ័ត្រ ដែលបានប្រព្រឹត្តិទៅកាលពីថ្ងៃសៅរ៍ និងថ្ងៃអាទិត្យកន្លងទៅ។

នៅក្នុងវគ្គពាក់កណ្ដាលផ្ដាច់ព្រ័ត្រ Manchester City បានប៉ះនឹងក្លឹបតោខៀវ Chelsea កាលពីថ្ងៃសៅរ៍។ ក្លឹបដែលមានរហស្សនាមមេឃខៀវទីក្រុងមេនឆេនស្ទើរមួយនេះ បានយកឈ្នះខាងតោខៀវក្នុងលទ្ធផល ១ ទល់នឹង ០ ក្នុងប្រកួតមួយដែលបានជ័យជម្នះយ៉ាងប្រផិតប្រផើយ។

រឹតតែហួសចិត្តជាង Manchester City ខាងបិសាចក្រហម Manchester United បានប៉ះនឹងក្លឹបលីគទី ២អង់គ្លេស Coventry កាលពីថ្ងៃអាទិត្យ។ នៅត្រឹមនាទីទី៥៨ ខាងបិសាចក្រហមបាននាំមុខ ខាងក្លឹបលីគទី២អង់គ្លេសក្នុងលទ្ធផល ៣ ទល់នឹង ០។ យ៉ាងណាមិញ បញ្ចប់ការប្រកួតត្រឹមនាទីទី៩០ ការប្រកួតបានត្រលប់មកស្មើគ្នាក្នុងលទ្ធផល ៣ ទល់នឹង ៣។ ជាកុសលល្អ ខាង Manchester United បានយកឈ្នះ Coventry នៅក្នុងការទាត់បាល់ប៉េណាល់ទី។

សូមជម្រាបផងដែរថា ការប្រកួត FA Cup វគ្គផ្ដាច់ព្រ័ត្រនឹងប្រព្រឹត្តិទៅនៅថ្ងៃទី២៥ ខែឧសភា ឆ្នាំ២០២៤ នៅកីឡដ្ឋានជាតិអង់គ្លេសវេមប្ល៊ី។ នេះគឺជាជំនួបវគ្គផ្ដាច់ព្រ័ត្រ FA Cup លើកទី២ ក្នុងរយៈពេល ២រដូវកាលជាប់គ្នា ដែលក្លឹបយក្សទាំងពីរប៉ះគ្នា។ ក្នុងវគ្គ Final កាលពីថ្ងៃទី ៣ ខែមិថុនា ឆ្នាំមុន ក្លឹប Manchester City ជាក្លឹបដែលបានលើកពានមួយនេះ ដោយបានយកឈ្នះ Manchester United ក្នុងលទ្ធផល ២ ទល់នឹង ១៕