Thiago Motta នឹងមកដឹកនាំ Juventus ក្នុងរដូវកាលថ្មីនេះ
- 2024-05-23 13:22:33
- ចំនួនមតិ 0 | ចំនួនចែករំលែក 0
Thiago Motta នឹងមកដឹកនាំ Juventus ក្នុងរដូវកាលថ្មីនេះ
ចន្លោះមិនឃើញ
លោក Thiago Motta នឹងមកដឹកនាំក្លឹប Juventus នៅក្នុងឆ្នាំ២០២៤/២៥ ខាងមុខនេះតទៅក្រោយព្រមព្រៀងជាមួយក្លឹបនៅក្នុងថ្ងៃនេះ។ បើយោងតាមការចុះផ្សាយរបស់ Fabrizio Romano នៅក្នុងថ្ងៃនេះ។
លោក Motta បានមកដឹកនាំ Bologna ឲ្យឈរនៅលេខរៀងទី៣ ក្នុងតារាង Serie A ក្នុងរដូវកាលនេះដោយជាប់បេក្ខភាពអាចប្រកួតក្នុង UEFA Champions League នៅរដូវកាលខាងមុខ។
គ្រូបង្គោលក្លឹបអ៊ីតាលីរូបនេះនឹងមកដឹកនាំ Juventus ជាមួយនឹងកុងត្រារយៈពេល៣ឆ្នាំ ចាប់ពីរដូវកាលខាងមុខ រហូតដល់ឆ្នាំ២០២៧។
លោកបានធ្វើការរៀបរាប់ទៅកាន់ Bologna ពីការសម្រេចចិត្តរបស់លោករួចរាល់ហើយថាលោកនឹងចាកចេញពីក្លឹបនេះដូចការរំពឹងទុករបស់ក្លឹបមែន។
លោកជាមួយបេក្ខជនមួយរូបដែល Juventus ចង់បានរហូតមកដើម្បីមកជំនួស លោក Massimiliano Allegri ដែលត្រូវបានក្លឹបបណ្ដេញចេញកាលពីសប្ដាហ៍មុននេះ។ Allegri ត្រូវបានស្គាល់ថាជាអ្នកដឹកនាំ Juventus ឲ្យរីកមុខមាត់ក្នុងលីគកំពូលអ៊ីតាលីដោយលោកធ្លាប់ដឹកនាំក្លឹបនេះ២ដង ដោយលើកទី១ លោកដឹកនាំពីឆ្នាំ២០១៤ ដល់ឆ្នាំ២០១៩ ដោយពេលនោះដឹកនាំឈ្នះពានលីគកំពូលឲ្យក្លឹបនេះរៀងរាល់រដូវកាល យ៉ាងណាសម្រាប់ការដឹកនាំលើកទី២ ចាប់ពីឆ្នាំ២០២១ ដល់ពេលនេះ ដោយមិនទាន់ឈ្នះពានមួយឲ្យក្លឹបទេ។
សម្រាប់លោក Motta នេះជាក្លឹបធំទី១មួយហើយដែលលោកបានដឹកនាំក្នុងអាជីពរបស់លោកជាអ្នកដឹកនាំក្លឹបតាំងពីឆ្នាំ២០១៨មក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
