Bayern ពេញចិត្តនឹងទម្រង់លេងកីឡាករទើបនាំចូលថ្មី
- 2024-09-19 14:48:14
- ចំនួនមតិ 0 | ចំនួនចែករំលែក 0
Bayern ពេញចិត្តនឹងទម្រង់លេងកីឡាករទើបនាំចូលថ្មី
ចន្លោះមិនឃើញ
ក្លឹប Bayern Munich ពេញចិត្តនឹងទម្រង់លេងរបស់ខ្សែបម្រើប្រយុទ្ធ Michael Olise។
យោងតាមការចុះផ្សាយរបស់ Fabrizio Romano បានឲ្យដឹងថាថ្នាក់ដឹកនាំ និងក្រុមការងាររបស់ក្លឹបយក្សអាល្លឺម៉ង់កំពុងពេញចិត្តយ៉ាងខ្លាំងលើទម្រង់លេងរបស់ Olise។ មិនត្រឹមតែ Olise ស៊ុតចូលទីហើយបង្កើតលទ្ធផលភ្លាមៗនោះទេ លើសពីនេះ កីឡាករបានចូលរួមបង្កើនឥទ្ធិពលវិជ្ជមានក្នុងការជួយពង្រឹង និងសម្រួចទម្រង់លេងរបស់ក្រុម។ កីឡាករពិតជាស័ក្ដិសមទៅនឹងតម្លៃផ្ទេរ។ នេះបើតាមការលើកឡើងរបស់ប្រភពដដែល។
កាលពីខែកក្កដា ឆ្នាំ ២០២៤ កន្លងទៅ ក្លឹប Bayern Munich បានធ្វើការផ្ទេរយកខ្សែបម្រើប្រយុទ្ធបារាំងវ័យ ២២ ឆ្នាំ Michael Olise ពីក្លឹបអង់គ្លេស Crystal Palace ក្នុងតម្លៃផ្ទេរប្រមាណ ៦៥ លានដុល្លារសហរដ្ឋអាមេរិក។ មុនមកលេងឲ្យក្លឹបយក្សអាល្លឺម៉ង់ កីឡាករ Olise បានបង្ហាញទម្រង់យ៉ាងល្អឲ្យ Palace ដោយលេងសរុប ៩០ ប្រកួត និងស៊ុតចូល ១៦ គ្រាប់ នារយៈពេលបីរដូវកាលចុងក្រោយ។
មក Bayern ភ្លាម កីឡាកររូបនេះនៅតែបង្ហាញទម្រង់លេងល្អ។ គិតមកទល់ពេលនេះ ខ្សែបម្រើប្រយុទ្ធបារាំងលេងសរុប ៥ ប្រកួត និងស៊ុតចូល ៣ គ្រាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
