ឃើញជោគជ័យនៅ Sporting តែមកដល់បិសាចក្រហម Ruben Amorim បានប្រាក់ខែថោកជាង Ten Hag ទេ

2024-11-19 02:52:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ruben Amorim បានព្រមព្រមចូលកាន់តំណែងនៅ Manchester United រហូតដល់ឆ្នាំ២០២៧ជំនួសលោក Erik Ten Hag ដែលត្រូវក្លឹបបានបណ្ដេញចេញ។

ការចូលមកជំនួសកន្លែងនេះបុរសវ័យ៣៩ទទួលបានប្រាក់ខែថោកជាងអ្នកចាត់ការសញ្ជាតហុល្លង់ទៅទៀត បើទោះជាលោកមានប្រជាប្រិយភាព និងជោគជ័យនៅ Sporting ខ្លាំងកម្រិតណាក៏ដោយ។ គេដឹងថា លោក Erik Ten Hag ទទួលបានប្រាក់ខែ៦,៧៥លានផោនក្នុង១ឆ្នាំពីបិសាចក្រហមក្នុងនាមជាអ្នកចាត់ការ បន្ថែមលើសពីនេះក្នុងកុងត្រាបុរសសញ្ជាតិហុល្លង់ម្នាក់នេះអាចទទួលបានរហូតដល់ទៅ៩លានផោនឯណោះ ប៉ុន្តែត្រូវក្លឹបកាត់បន្ទាប់ពីក្រុមបានធ្លាក់ចេញពី UEFA Champions League ក្នុងរដូវកាលដំបូង។

យ៉ាងណាក្រោយលោក Ruben Amorim ចូលមកកាន់បិសាចក្រហមលោកទទួលបានប្រាក់ខែតិចជាង Erik Ten Hag ពោលគឺទទួលបានចំនួន៦,៥លានផោនគឺតិចជាង ០,២៥ លានផោន។ បច្ចុប្បន្នអ្នកចាត់ការដែលទទួលបានប្រាក់ខែខ្ពស់ជាងគេនៅ English Premier League គឺទី១ Pep Guardiola របស់ Manchester City ទទួលបាន២០លានផោនក្នុងឆ្នាំ ខណៈទី២លោក Mikel Arteta របស់ Arsenal ទទួលបាន ១០លានផោនក្នុង១ឆ្នាំ ខណៈទី៣លោក Unai Emery ទទួលបាន៨លានផោនក្នុង១ឆ្នាំ និងទី៤គឺលោក Ruben Amorim នេះឯងទទួលបាន៦,៥លានផោនក្នុង១ឆ្នាំ៕