Liverpool នេះ​មិន​ដែល​ចាញ់​ទេ​២៣​​ប្រកួត​មក​ហើយ ទើប​តែ​ប្រកួត​ទី​២៤​នេះ​​គេ​រង​បរាជ័យ​ជា​ថ្មី​ក្រោម​ថ្វី​ជើង​របស់ Spurs នៅ​​ទឹកដី​របស់​មាន់​ខ្នាយ​មាស​១-០ ក្នុង​ការ​ប្រកួត​ League Cup វគ្គ​ពាក់​កណ្ដាល​ផ្ដាច់​ព្រ័ត្រ​ជើង​ទី​១។

​ដ្បិត​តែ​ចាញ់​១​ទល់​​​នឹង​០​នៅ​ជើង​ទី​១​នេះ​មែន​ប៉ុន្តែ​ Liverpool មិនទាន់​ធ្លាក់​ទេ ​គឺ​ពួក​គេ​នៅ​សល់​​ជើង​ទី​២​ដែល​នឹង​ត្រូវ​លេង​ម្ដង​ទៀត​នៅ​ថ្ងៃ​ទី៧​ខែ​កុម្ភៈ ឆ្នាំ​២០២៥​​ ដែល​ត្រូវ​លេង​នៅ​​ទឹក​ដី​របស់​​ហង្ស​ក្រហម​វិញ​ម្ដង​។ ១​គ្រាប់​នៃ​ការ​បរាជ័យ​​របស់​ Liverpool នេះ​រក​បាន​ដោយ​កីឡាករ​ L. Bergvall ​នៅ​នាទី​ទី​៨៦​​​ទៅ​ហើយ​​។

ចំនួន​២៣​ប្រកួតជាប់​គ្នា​មិន​ចាញ់​នេះ​គិត​ចាប់​ពី​ Liverpool បាន​ចាញ់​ការ​ប្រកួត​ក្រោម​ថ្វី​ជើង​របស់​​ Nottingham Forest FC ​​កាល​ពី​​ថ្ងៃ​ទី​១៤​ ខែ​កញ្ញា ឆ្នាំ​២០២៤​មក​ម្ល៉េះ ហើយ​មក​ដល់​ពេល​នេះ​​ហង្ស​ទើប​ស្គាល់​បរាជ័យ​ជា​ថ្មី​ដែល​គិត​ជា​ប្រកួត​ចំនួន ២៣​ប្រកួត​ជាប់​គ្នា​មិន​ចាញ់​សោះ ហើយ​ចូល​ដល់​ប្រកួត​ទី​២៤​នេះ​ទើប​ចាញ់​ជា​ថ្មី​៕ ​​​​