Suga ធ្លាប់ទម្លាយពីស្ថានភាពក្រុមឈានទៅរកផ្លូវបែកយូរហើយ តែមិនសូវមានអ្នកចាប់ភ្លឹក

2023-12-29 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមឆ្នាំ ២០២៣ BTS ត្រូវបានបង្កើតរយៈពេល ១០ ឆ្នាំហើយ ដោយបានសាងរឿងអស្ចារ្យជាច្រើនឲ្យ K-Pop ពិសេសលើកមុខមាត់អាស៊ី ឲ្យពិភពលោក ពិសេសប្រទេសនៅលោកខាងលិចកាន់តែកោតសរសើរខ្លាំងឡើងៗ។ ប៉ុន្តែស្របពេលក្រុមមានភាពជោគជ័យយ៉ាងណាក្ដី អ្នកគាំទ្រជាច្រើនសុទ្ធតែបានជ្រាបស្រាប់ទៅហើយថាពួកគេក៏ធ្លាប់មានគម្រោងចង់បំបែកក្រុមដែរ។

រម្លឹកកាលពីអំឡុងពេលនៃកម្មវិធី MAMA Awards ឆ្នាំ ២០១៨ នៅពេលដែល Jin ចាប់ក្បាលមេក្រូនិយាយថា ក្រុមបានគិតពីរឿងចង់បំបែកនោះ គ្រប់គ្នាមានការភ្ញាក់ផ្អើលជាខ្លាំង។ Jin ទម្លាយពីទុក្ខលំបាក អាស្រ័យដោយសមាជិកទាំងអស់សុទ្ធតែមានបញ្ហាប៉ះពាល់ផ្លូវចិត្ត និងជួបពេលដ៏តឹងតែងបំផុត។ ប៉ុន្តែអរគុណដល់ការខិតខំមិនចោលគ្នា ពួកគេពិតជាអាចជម្នះឧបសគ្គទាំងអស់ដោយជោគជ័យ ថែមទាំងបន្តកាន់ដៃគ្នាសាងភាពល្បីល្បាញខ្លាំងឡើងៗថែមមួយកម្រិត។

យ៉ាងណាមិញ ស្ថិតក្នុងវីដេអូឯកសារ BTS Monuments: Beyond the star សមាជិកពូកែខាងរ៉េបប្រចាំក្រុមគឺ Suga បានភ្ជាប់ស្ថានភាពទាំងអស់ដែលពួកគេជួបប្រទះ ទៅនឹងមនោសញ្ចេតនានៃទំនាក់ទំនងបងប្អូន ហើយនេះគឺ វាសនាដែលត្រូវឈានដល់ពេលបញ្ចប់ គ្មានអ្នកណាចង់ធ្វើជនចិត្តអាក្រក់ទេ តែគ្មានជម្រើសឡើយ។

តាមអ្វីដែលបាននិយាយមក វាប្រៀបដូចទៅនឹងអត្ថន័យបទ "Trivia: Seesaw” របស់ Suga ដែលចេញតាំងពីមុន Jin ប្រកាសពីក្រុម ហើយជាបទដែលគ្រប់គ្នាគិតថាជាបទចម្រៀងបញ្ជាក់ពីស្នេហាបែកបាក់ ប៉ុន្តែបើស្ដាប់ឲ្យយល់ គឺអត្ថន័យបទចម្រៀងបញ្ជាក់ពីទំនាក់ទំនងក្រុមទេ ពោលគឺនៅអំឡុងពេលពួកគេពិចារណាអំពីការបំបែកក្រុម។ ដូច្នេះមានន័យថា Suga ធ្លាប់បានទម្លាក់តម្រុយពីស្ថានភាពក្រុមយូរមកហើយ។

ការរកឃើញថ្មីនេះក៏បានបន្ថែម ទាក់ទងនឹងអារម្មណ៍ជុំវិញការសម្ដែងផ្ទាល់របស់ Suga ក្នុងបទ “Seesaw” លើឆាកប្រគំតន្ត្រីទោលរបស់លោក។ ផ្ទុយទៅនឹងការរៀបចំការប្រគំតន្ត្រី Love Yourself នោះ Suga បានធ្វើកំណែទម្រង់បទចម្រៀងយ៉ាងរំជើបរំជួលក្នុង Concert D-DAY ជាមួយនឹងហ្គីតា។ ឯហ្គីតានេះ ក៏ត្រូវបានគេមើលឃើញថាមានពេញដោយហត្ថលេខា និងសារពីសមាជិក BTS ទាំងអស់ផងដែរ៕