អាឡិចសាន់ដឺ វ៉ាង គឺជាសហស្ថាបនិក និងជាប្រធានប្រតិបត្តិនៃក្រុមហ៊ុន Scale AI។ លោកបានបង្កើតក្រុមហ៊ុននេះនៅអាយុ ១៩ ឆ្នាំ ហើយបានធ្វើឱ្យក្រុមហ៊ុននេះមានការរីកចម្រើនយ៉ាងឆាប់រហ័ស។

លោកវ៉ាងបានចាប់ផ្តើមសិក្សានៅសាកលវិទ្យាល័យ ម៉ាសាឈូសេតស៍ អ៊ីនស្ទីទូត នៃបច្ចេកវិទ្យា (MIT) ដោយបន្តការសិក្សាផ្នែកគណិតសាស្ត្រ និងវិទ្យាសាស្ត្រកុំព្យូទ័រ។ ទោះជាយ៉ាងណាក៏ដោយ លោកបានចាកចេញពី MIT ដើម្បីបង្កើត Scale AI ហើយបានប្រែក្លាយវាជាក្រុមហ៊ុនដ៏មានឥទ្ធិពលនៅក្នុងវិស័យ AI។

Scale AI គឺជាក្រុមហ៊ុនដែលផ្តល់ទិន្នន័យសម្រាប់ការបង្រៀនម៉ាស៊ីន Learning Machines។ ក្រុមហ៊ុននេះបានបម្រើអតិថិជនដ៏ល្បីល្បាញដូចជា General Motors, OpenAI, និង Uber។ Scale AI មានតួនាទីសំខាន់ក្នុងការបង្កើនសមត្ថភាពរបស់ម៉ាស៊ីនសិក្សាដោយផ្តល់ទិន្នន័យដែលត្រូវការសម្រាប់ការបង្រៀនម៉ាស៊ីនទាំងនេះ។

លោកវ៉ាង ត្រូវបានគេស្គាល់ថាជាអ្នកមាន ដែលបង្កើតទ្រព្យសម្បត្តិដោយខ្លួនឯងដែលក្មេងជាងគេបំផុតនៅលើពិភពលោក ហើយត្រូវបានចុះផ្សាយក្នុងសារព័ត៌មានល្បីៗដូចជា Forbes និង Time។

លោកវ៉ាង នឹងបន្តធ្វើឱ្យ Scale AI មានឥទ្ធិពលកាន់តែខ្លាំងនៅក្នុងវិស័យ AI និងវិស័យបច្ចេកវិទ្យា សម្រាប់អាជីវកម្ម។ លោក ក៏បានចូលរួមក្នុងកិច្ចសន្យាការពារជាតិជាមួយកងកម្លាំងប្រដាប់អាវុធសហរដ្ឋអាមេរិក ដែលធ្វើឱ្យក្រុមហ៊ុននេះមានឥទ្ធិពលកាន់តែខ្លាំងនៅក្នុងវិស័យ AI។

រឿងរ៉ាវរបស់លោកវ៉ាងបង្ហាញពីការមានឥទ្ធិពលយ៉ាងខ្លាំង និងការប្តូរផ្លាស់ដ៏អស្ចារ្យនៅក្នុងពិភពបច្ចេកវិទ្យា។ លោកបានបង្ហាញឱ្យឃើញពីការប្រើប្រាស់ AI ដើម្បីធ្វើឱ្យមានការរីកចម្រើននៅក្នុងវិស័យផ្សេងៗ ដូចជារថយន្ត Automatic និងវិស័យសុខាភិបាលជាដើម៕

អាឡិចសាន់ដឺ វ៉ាង មានទ្រព្យសម្បត្តិ ប្រមាណ ចំនួន ២ ពាន់លានដុល្លារនៅឆ្នាំ ២០២៥ ដោយសារតែការកើនឡើងនៃតម្លៃរបស់ក្រុមហ៊ុន Scale AI ដែលមានតម្លៃប្រហែល ១៤ ពាន់លានដុល្លារ។ លោកមានការកើនឡើងនៃទ្រព្យសម្បត្តិ បន្ទាប់ពីក្រុមហ៊ុននេះទទួលបានការវិនិយោគយ៉ាងច្រើន៕