ភ្នំពេញ ថ្ងៃទី ៦ ខែ កុម្ភៈ ឆ្នាំ២០២៦ – ក្នុងយុគសម័យដែលមាតាបិតាកម្ពុជាកាន់តែមានការយកចិត្តទុកដាក់ខ្ពស់លើសុខុមាលភាព បុត្រធីតា ក្រុមហ៊ុន Unicharm ដែលជាក្រុមហ៊ុនឈរនៅលំដាប់ថ្នាក់លេខ ១ ក្នុងប្រទេសជប៉ុនផ្នែកកន្ទបទារក បានប្រកាសជាផ្លូវការនូវការនាំចូល និងចែកចាយផលិតផលខោទឹកនោមម៉ាក “Moony” ដែលជាផលិតផលគុណភាពកម្រិត Premium មកកាន់ទីផ្សារព្រះរាជាណាចក្រកម្ពុជាជាលើកដំបូង។

បទពិសោធន៍ ៦៥ ឆ្នាំ និងការជឿទុកចិត្តពីជុំវិញពិភពលោក

ក្រុមហ៊ុន Unicharm ដែលមានទីស្នាក់ការកណ្តាលនៅទីក្រុងតូក្យូ បានកសាងកេរ្តិ៍ឈ្មោះយ៉ាងរឹងមាំអស់រយៈពេលជាង ៦៥ ឆ្នាំមកហើយ។ បច្ចុប្បន្ន ផលិតផលរបស់ Unicharm ត្រូវបានចែកចាយ និងទទួលបានការគាំទ្រយ៉ាងខ្លាំងនៅក្នុងប្រទេសប្រមាណ ៨០ ជុំវិញពិភពលោក។ តាមរយៈទស្សនវិជ្ជា «គុណភាពពិតប្រាកដ ចាប់ផ្តើមពីការថែរក្សា និងការយកចិត្តទុកដាក់» Unicharm តែងតែឈរនៅក្បែរអ្នកប្រើប្រាស់គ្រប់ដំណាក់កាលនៃជីវិត ដើម្បីផ្តល់នូវផលិតផលដែលល្អបំផុត។

គុណភាពពិត "Made in Japan" មិនមែនត្រឹមតែជាពាក្យស្លោក

ចំណុចដែលធ្វើឱ្យ Moony មានភាពលេចធ្លោជាងគេនៅក្នុងទីផ្សារ គឺប្រភពដើមនៃផលិតផល។ ខណៈដែលមានផលិតផលជាច្រើននៅលើទីផ្សារប្រើប្រាស់ពាក្យ "Japan Quality" ឬ "Japan Technology" ដើម្បីទាក់ទាញការចាប់អារម្មណ៍ ប៉ុន្តែសម្រាប់ Moony គឺជាផលិតផល "Made in Japan" ពិតប្រាកដ ដែលត្រូវបានផលិតផ្ទាល់ចេញពីរោងចក្រក្នុងប្រទេសជប៉ុន ក្រោមបទដ្ឋានផលិតដ៏តឹងរឹងបំផុត។

អ្វីដែលកាន់តែអស្ចារ្យនោះ Unicharm គឺជាក្រុមហ៊ុនដំបូងគេនៅលើពិភពលោក ដែលបានបង្កើត និងចែកចាយខោទឹកនោមប្រភេទស្លៀក (Pants-type diapers) តាំងពីឆ្នាំ ១៩៨១។ ជាមួយនឹងការច្នៃប្រឌិតមិនឈប់ឈរនេះហើយ ទើបធ្វើឱ្យ Unicharm អាចរក្សាតំណែងជាក្រុមហ៊ុនលំដាប់លេខ ១ ក្នុងវិស័យផ្សារហ៊ុននៅក្នុងប្រទេសជប៉ុន រហូតដល់ទៅ ៤៥ ឆ្នាំមកទល់បច្ចុប្បន្ន។

ការជឿជាក់លើសក្តានុពល និងក្តីស្រឡាញ់របស់មាតាបិតាកម្ពុជា

ក្នុងព្រឹត្តិការណ៍សម្ពោធដ៏មានអត្ថន័យនេះ លោក Takua Hayashi (Cambodia Business Controller) នៃក្រុមហ៊ុន Unicharm Corporation បានមានប្រសាសន៍ប្រកបដោយឥទ្ធិពលថា៖ "ការជ្រើសរើសកម្ពុជាជាទីផ្សារគោលដៅ បង្ហាញពីការជឿជាក់របស់យើងចំពោះសក្តានុពលនៃការអភិវឌ្ឍនាពេលអនាគតរបស់ប្រទេសនេះ។ យើងខ្ញុំមើលឃើញយ៉ាងច្បាស់នូវក្តីស្រឡាញ់ និងការយកចិត្តទុកដាក់យ៉ាងខ្លាំងក្លារបស់ឪពុកម្តាយកម្ពុជាចំពោះកូនតូចៗ ដែលវាស្របទៅនឹងតម្លៃស្នូលរបស់ Moony។"

បច្ចេកវិទ្យាថ្មី ដើម្បីស្នាមញញឹមរបស់ទារក និងភាពស្ងប់ចិត្តរបស់មាតាបិតា

Moony មិនត្រឹមតែជាខោទឹកនោមប៉ុណ្ណោះទេ ប៉ុន្តែគឺជាលទ្ធផលនៃបច្ចេកវិទ្យាចុងក្រោយបង្អស់ ដែលត្រូវបានរចនាឡើងដើម្បី៖

• ផ្តល់ភាពទន់រលោងបំផុត៖ ការពារស្បែកទារកដែលងាយរងគ្រោះ។

• សុវត្ថិភាពខ្ពស់៖ គ្មានការរមាស់ ឬប្រតិកម្មផ្សេងៗ។

• ភាពស្ងប់ចិត្ត៖ ជួយឱ្យទារកគេងលក់ស្រួល និងលូតលាស់បានល្អ ដែលធ្វើឱ្យជីវិតប្រចាំថ្ងៃរបស់គ្រួសារពោរពេញដោយក្តីសុខ។

តាមរយៈការបង្ហាញខ្លួនជាផ្លូវការនេះ Moony រំពឹងថានឹងក្លាយជាជម្រើសលេខ ១ ក្នុងបេះដូងមាតាបិតាកម្ពុជា ដែលស្វែងរកនូវគុណភាពពិតប្រាកដ និងការថែទាំដ៏ល្អបំផុតសម្រាប់បុត្រធីតា៕