Kim Hyun Joong ធ្លាប់ឲ្យលុយអតីតមិត្តស្រីដើម្បីបញ្ចប់រឿងរលូតកូន

2015-05-12 23:01:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះយើងតភាគរឿង Kim Hyun Joong វាយធ្វើបានមិត្តស្រីរហូតដល់រលូតកូន។ ពេលនេះមេធាវីទាំងសងខាងបានចេញមកការពារកូនក្ដី របស់ពួកគេរៀងៗខ្លួនហើយ។

បើតាមសេចក្ដីរាយការណ៍មួយចេញផ្សាយថា Kim Hyun Joong កំពុងតែធ្វើការតវ៉ាដោយគាត់បានសងជំងឺចិត្តទៅអតីតមិត្តស្រីចំនួន៦០០លានវ៉ុន (ប្រហែល ៥៤៦ ០០០ដុល្លារ) រួចរាល់ហើយ បន្ទាប់ពីបានធ្វើឲ្យនាងរលូតប៉ុន្តែភាគីខាងស្រីបានបដិសេធថាមិនបានទទួល។

មេធាវីរបស់តារាប្រុសវ័យ២៨ឆ្នាំរូបនេះបានចេញមកអះអាងថា៖ "ការរលូតកូនរបស់ Choi កាលពីឆ្នាំមុនគឺបានដោះស្រាយគ្នាចប់រួចរាល់អស់ហើយដោយនាងព្រមទទួលប្រាក់សងជំងឺចិត្តចំនួន៦០០លានវ៉ុន ដែលជាការចរចាលក្ខណៈឯកជន។ Kimព្រមឲ្យលុយទៅនាងដោយសារការគំរាមថា នាងនឹងលាតត្រដាងរឿងអាស្រូវបាត់បង់កូននៅក្នុងផ្ទៃនេះទៅកាន់សារព័ត៌មាន។ ដោយសារព្រួយអារម្មណ៍ចំពោះរឿងនេះ Kim បានប្រគល់លុយឲ្យទៅមិត្តស្រីតែម្ដងដើម្បីបញ្ចប់រឿង។ ទោះជាយ៉ាងណាក្ដីប្រសិនជាការប្ដឹងទាមទារអំពីការរលូតកូនរបស់នាងជាការកុហកពួកយើងនឹងធ្វើការតាមច្បាប់ដើម្បីប្ដឹងសងវិញ"។

ងាកមកខាងមេធាវីរបស់ Choiវិញគឺបានច្រានចោលសម្ដីខាងលើថាពួកគេមិនបានទទួលប្រាក់សងជំងឺ៦០០លានវ៉ុនចំពោះការធ្វើឲ្យកូនក្ដីរលូតកូនទេ ប៉ុន្តែជាសំណងជំងឺចិត្តចំពោះការវាយធ្វើបាប និងបង្ករបួសស្នាមម្ដងជាពីរដងមកលើកូនក្តីខ្លួនប៉ុណ្ណោះ។ មេធាវីបានបន្ថែមទៀតថា៖ "នៅពេលនោះ Choi មិនបានប្រាប់រឿងរលូតកូនរបស់នាងទៅនរណាទេ"។

បន្ទាប់ពីរលូតកូននោះមក នាងមានកូនម្ដងទៀត ហើយនឹងគ្រប់ខែក្នុងខែកញ្ញាខាងមុខ ខណៈដែល Kim Hyun Joong ចូលបម្រើកាតព្វកិច្ចយោធានៅថ្ងៃនេះតែម្ដង។ ចាំមើលភាគបន្តថា នរណាខុស នរណាត្រូវក្នុងរឿងនេះ៕

អាន៖ សារឆ្លើយឆ្លងបង្ហាញថា Kim Hyun Joong វាយមិត្តស្រីទាល់តែរលូតកូន

ប្រែសម្រួល៖ ហេង សុធារិទ្ធិ ប្រភព៖ allkpop