សម្រាកភ្លាម ភ្នំពេញក្រោនចេញដំណើរទៅប្រកួតមិត្តភាព៣ខេត្ត
- 2015-08-18 17:57:19
- ចំនួនមតិ 0 | ចំនួនចែករំលែក 0
សម្រាកភ្លាម ភ្នំពេញក្រោនចេញដំណើរទៅប្រកួតមិត្តភាព៣ខេត្ត
ចន្លោះមិនឃើញ
នៅព្រឹកថ្ងៃអង្គារ ទី១៨សីហានេះ ក្រុមបាល់ទាត់ភ្នំពេញក្រោនបានធ្វើដំណើរទៅទឹកដីបេតិកភណ្ឌពិភពលោក សៀមរាប និង២ខេត្តផ្សេងទៀតដើម្បីប្រកួតមិត្តភាពកម្តៅសាច់ដុំ បន្ទាប់ពីលីកបាល់ទាត់កំពូលកម្ពុជាសម្រាកមួយរយៈពេល។
លីកបាល់ទាត់កម្ពុជាឆ្នាំ២០១៥ត្រូវបានផ្អាកការប្រកួតចាប់ថ្ងៃទី១៦សីហាម្សិលមិញរហូតដល់ថ្ងៃទី១២កញ្ញាទើបដំណើរការប្រកួតឡើងវិញសម្រាប់ជើងទី២ដើម្បីទុកឱកាសឲ្យក្រុមជម្រើសជាតិកម្ពុជាទាំងក្រុមធំត្រៀមខ្លួនប្រកួតជម្រុះបាល់ទាត់ពិភពលោកឆ្នាំ២០១៨ និងក្រុម U19 ប្រកួតក្នុងព្រឹត្តិការណ៍ U19 AFF Youth Championship 2015 នៅប្រទេសឡាវ។
ក្នុងរយៈពេលសម្រាកនេះសមាជិកក្រុមភ្នំពេញក្រោនដែលមិនជាប់ជម្រើសជាតិ និងថ្នាក់ដឹកនាំមិនសម្រាកឡើយគឺចេញដំណើរទៅតាមរួមខេត្តចំនួន៣គឺសៀមរាប ក្រុងប៉ោយប៉ែតក្នុងខេត្តបន្ទាយមានជ័យ និងខេត្តបាត់ដំបងដើម្បីប្រកួតមិត្តភាពកម្តៅសាច់ដុំ និងរួមចំណែកជំរុញទឹកចិត្តដល់ក្មេងៗជំនាន់ក្រោយដែលនិយមលេងបាល់ទាត់ផងដែរ។ មិនត្រឹមតែប៉ុណ្ណោះ ក្រុមភ្នំពេញក្រោនក៏នឹងបើកបង្ហាត់បង្ហាញពីរបៀបលេងបាល់នៅទីរួមខេត្តសៀមរាប និងប៉ោយប៉ែតទៀតផងដែលមានការជួយពីយុវជន SALT Academy។
តាមការគ្រោងទុកនៅរសៀលថ្ងៃទី១៨សីហានេះ ក្រុមភ្នំពេញប្រកួតនឹងប្រកួតជាមួយក្រុម Next Step FF នៅទីលានហ្វូតសាល Galaxy Goal ក្នុងខេត្តសៀមរាបវេលាម៉ោង៦ល្ងាច។ ក្រុមកីឡាករ និងថ្នាក់ដឹកនាំក៏នឹងចំណាយពេលខ្លះៗទៅទស្សនាប្រាសាទអង្គរវត្តផងដែរ។
នៅថ្ងៃសុក្រ ទី២១ ភ្នំពេញក្រោននឹងប្រកួតជាមួយ Kbal Spean FC នៅទីលាន 855Crown ក្នុងក្រុងប៉ោយប៉ែត ខេត្តបន្ទាយមានជ័យវេលាម៉ោង៥ល្ងាច និងថ្ងៃសៅរ៍ ទី២២ ភ្នំពេញក្រោនប៉ះក្រុម Star Light FC នៅទីលានវាលបែកចានខេត្តបាត់ដំបងវេលាម៉ោង៣:៣០នាទីរសៀល។
អ្នកនិយមចូលចិត្តបាល់ទាត់ក្នុងខេត្តសៀមរាប ក្នុងប៉ោយប៉ែតខេត្តបន្ទាយមានជ័យ និងនៅខេត្តបាត់ដំបងអាចចូលរួមទស្សនាដោយសេរី និងជួបកីឡាករបាល់ទាត់របស់ភ្នំពេញក្រោនឆ្នើមៗ៕
អត្ថបទ៖ ជាន ចាន់រ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
