តារាម៉ូដែល សោម ស្រីនាថ វិវត្តន៍ខ្លួនមកជាពិធីការិនី

2015-09-25 19:23:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងវិថីសិល្បៈបច្ចុប្បន្នតារាៗជាច្រើនមិនថាស្រី ឬប្រុសទេ តែងតែមានជំនាញពីរបីក្នុងពេលតែមួយ។ មិនខុសពីមិត្តរួមអាជីពដទៃ តារាស្រីសម្បុរស្រអែមកញ្ញា សោម ស្រីនាថ ឥឡូវក៏បានវិវត្តន៍ខ្លួនមកជាពិធីការិនីនឹងគេហើយដែរ។

តារាម៉ូដែលខាងលើបានប្រាប់ឲ្យដឹងថា "ចា៎...បង ខ្ញុំពិតជាទើបទទួលបានការងារជាពិធីការិនីមួយបន្ថែមទៀត។ ដោយកម្មវិធីនោះ គឺនិយាយពីស្ត្រី សម្រស់ សុខភាព និងដំណើរកម្សាន្តផ្សេងៗទៀត ហើយខ្ញុំបានធ្វើការនេះជាងបី ខែហើយដែរ។”

កញ្ញាបានរៀបរាប់បន្ថែមថា ការវិវត្តខ្លួនមកជាពិធីការិនីនេះពីដំបូងគឺមានការលំបាកមែនទែនសម្រាប់នាង តែឥឡូវវាមិនមានអ្វីជាបញ្ហាទៀតទេ ព្រោះបានអ្នករៀបចំកម្មវិធី និងរៀមច្បងជំនាន់មុនដូចជាកញ្ញា ដួង ហ្សូរីដា ជាដើម ជួយណែនាំបង្ហាត់បង្ហាញបន្ថែម។

"តែសម្រាប់អាជីពជាតារាសម្ដែង និងចម្រៀង ឬបង្ហាញម៉ូដអីហ្នឹងក៏ខ្ញុំមិនបោះបង់ដែរ មានតែខិតខំបន្ថែមទៀតដើម្បីពង្រឹងទីផ្សារសិល្បៈនៅពេលខាងមុខ។" ស្រីនាថ បន្ថែម។

ងាកមកការសិក្សាវិញ តារាចម្រៀងក្នុងក្រុមជាមួយកញ្ញា ដួង ហ្សូរីម៉ា រូបនេះ គឺជានិស្សិតផ្នែកដេគ័រឆ្នាំទី ២ នៅសាកលវិទ្យាល័យស៊ីតិច ហើយនាងបានបញ្ជាក់ថា "តាមពិតត្រូវបញ្ចប់យូរហើយ តែមកពីមមាញឹកនឹងការងារសិល្បៈទើបខកខានមួយរយៈ"។ ទោះយ៉ាងណា តារាវ័យ ២៣ ឆ្នាំ ខាងលើបញ្ជាក់គោលជំហរថាមិនបោះបង់ការសិក្សាចោលដាច់ខាត គឺធ្វើយ៉ាងណាត្រូវបញ្ចប់បរិញ្ញាបត្រនេះឲ្យទាល់តែបាន៕