Porsche គ្រោងចេញឡានអេឡិចត្រូនិក សាកថ្មតែ១៥នាទី បើកបាន៤០០គីឡូ

2016-07-31 17:08:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតរថយន្តទំនើបរបស់អាល្លឺម៉ង់ Porsche គ្រោងផលិតរថយន្តអេឡិចត្រូនិកលើកដំបូងមានឈ្មោះថា Mission E ដែលនឹងចេញជាផ្លូវការនៅឆ្នាំ២០២០។

បើតាម Reuters បានឲ្យដឹងថានៅសប្ដាហ៍នេះថា Porsche កំពុងជ្រើសរើសបុគ្គលិកបន្ថែមចំនួន១៤០០នាក់ ដើម្បីផលិតរថយន្តអេឡិចត្រូនិក Mission E និងគ្រោងសម្រេច អាចចេញលក់បាននៅឆ្នាំ២០២០ខាងមុខ។

Porsche បានចេញគម្រោងរថយន្តអេឡិចត្រូនិកនេះមានលក្ខណៈសម្បត្តិមួយចំនួនដូចជា បំពាក់បច្ចេកវិទ្យាថ្ម lithium-ion ដែលអនុញ្ញាតឲ្យអ្នកប្រើប្រាស់ អាចសាកថ្មរថយន្តពេលកំពុងបើកបរ។ ប៉ុន្តែថ្មរថយន្តនេះ ក៏អាចសាកនៅតាមស្ថានីយ ឬអាចសាកតាមខ្សែផងដែរ។ អ្វីដែលពិសេសគឺ ប្រើពេលតែ១៥នាទី រថយន្តនេះអាចសាកថ្មដល់ទៅ៨០% និងបើកបានជាង៤០០គីឡូម៉ែត្រ និងសាកពេញ បើកបរបានជិត៥០០គីឡូម៉ែត្រ។

Mission E មាន៤កៅអី និងទ្វារ៤ ដែលបើកចេញពីចំណុចកណ្ដាលបែបថ្មី ហើយរថយន្តបែប Sport នេះ បើកបរបានល្បឿនអតិបរមាដល់ទៅជាង២៤០គីឡូម៉ែត្រក្នុង១ម៉ោង៕