ច្បាស់ហើយ ល្ងាចនេះ ឃឹម បូរី អាចលេងបានពេលណាហ្គា ប៉ះអាស៊ីអឺរ៉ុប

2016-08-01 22:25:38
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក មាស ចាន់ណា គ្រូបង្វឹកក្រុមបាល់ទាត់ ណាហ្គាលវើល បញ្ជាក់ពីរបួសបាក់ឆ្អឹងដងកាំបិតរបស់កីឡាករ ឃឹម បូរី ជាសះស្បើយឡើងវិញ ហើយលោកនឹងដាក់កីឡាកររូបនេះចូលលេងនៅចុងតង់ទីពីរ នៅពេលណាហ្គាវើលជួបអាស៊ីអ៊ឺរ៉ុប ម៉ោង ៦:០០ល្ងាចនេះនៅពហុកីឡដ្ឋានជាតិនៃការប្រកួតលីគកំពូលកម្ពុជា។

លោកមាស ចាន់ណា បានឲ្យដឹងថា លោកនឹងដាក់កីឡាករ ឃឹម បូរី ឲ្យចូលលេងក្នុងតង់ទី២ នៃការប្រកួតល្ងាចនេះ។ បើតាមកីឡាករ ឃឹម បូរី បានប្រាប់លោកថា កូនក្រុមរបស់លោកម្នាក់នេះហាក់មានអារម្មណ៍ស្រៀវៗ ត្រង់មុខរបួសនៅឡើយ។

បើតាមការបញ្ជាក់របស់លោក មាស ចាន់ណា កាលពីពេលកន្លងទៅកីឡាករ ឃឹម បូរី រំពឹងតិចតួច ដែលអាចចូលលេងទាន់ពេលវេលាជួយក្រុមនៅលីគកំពូលកម្ពុជា ដោយសាររបួសត្រូវចំណាយពេលព្យាបាលយូរ។ ប៉ុន្តែការបង្ហាញខ្លួនរបស់ ឃឹម បូរី បានធ្វើឲ្យលោក មាស ចាន់ណា សប្បាយចិត្ត និងការវិលត្រឡប់មកជួយក្រុមរបស់គេ។

ឃឹម បូរី បានរងរបួសបាក់ឆ្អឹងដងកាំបិតកំឡុងចូលឆ្នាំខ្មែរ ដែលរូបគេទៅលេងស្រុកកំណើតនៅខេត្តប៉ៃលិន ដោយគ្រោះថ្នាក់ចរាចរណ៍ក្រឡាប់ម៉ូតូកង់បី។ ណាហ្គាវើលនៅអវត្តមានតារាឆ្នើមមួយរូបទៀត គួច សុកុម្ភៈ ដែលកំពុងសម្រាកព្យាបាលរបួសសរសៃពួរកែងជើង៕

អត្ថបទ៖ នួន ស៊ីណា 