១០សន្លឹកបង្ហាញពីតារាងបាល់ទាត់ RUPP មិនទាន់បើកឲ្យប្រើប្រាស់

2016-09-06 13:00:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីលានបាល់ទាត់សាកលវិទ្យាល័យភូមិន្ទភ្នំពេញ (RUPP) មិនទាន់ត្រូវបានបើកឲ្យប្រើប្រាស់នៅឡើយទេ បន្ទាប់ពីការកសាងបានរួចរាល់អស់រយៈពេលប៉ុន្មានខែកន្លងទៅ។ ឯកឧត្តម ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញបានប្រាប់ Sabay ថា រហូតដល់ពេលនេះស្មៅដុះមិនទាន់ពេញល្អនៅឡើយទេ ដូច្នេះមិនអាចបើកឲ្យប្រើប្រាស់បានឡើយ។

ទីលានកីឡានានានៅសាកលវិទ្យាល័យភូមិន្ទភ្នំពេញដែលចាប់ផ្តើមកសាងតាំងពីខែមីនា ឆ្នាំ២០១៦ជាគម្រោងសាងសង់របស់ក្រសួងអប់រំ យុវជន និងកីឡាដែលចំណាយប្រាក់ជិត៤ពាន់លានរៀលក្នុងការជួសជុលលើ ទីលានបាល់ទាត់ ទីលានបាល់ទះ ទីលានវាយសី និងទីលានបាល់បោះ ព្រមទាំងកន្លែងសម្រាប់កីឡាមួយចំនួនទៀតនៅសាកលវិទ្យាល័យភូមិន្ទ ភ្នំពេញ។ ការជុសជុលត្រូវផ្ដោតសំខាន់លើទីលានបាល់ទាត់មុនគេនាពេលនេះ ដើម្បីបំពេញតម្រូវការប្រើប្រាស់របស់រាជរដ្ឋាភិបាលកម្ពុជា។ បន្ទាប់ពីជួសជុលទីលានបាល់ទាត់ចប់ នឹងចាប់ផ្តើមជួសជុលទីលានកីឡាផ្សេងៗទៀត៕

ខាងក្រោមជាទិដ្ឋភាពខ្លះៗនៃទីលានបាល់ទាត់ RUPP ដែលមិនទាន់ដាក់ឲ្យប្រើប្រាស់