ក្រុមបាល់ទាត់នារី សសយក ស្វាយរៀង ឈ្នះខេត្តកណ្ដាល ១៤-០ ក្នុងប្រកួតដំបូង

2016-09-15 16:15:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់នារី សសយក ខេត្តស្វាយរៀង អាយុក្រោម១៦ឆ្នាំបានយកឈ្នះក្នុងប្រកួតទីមួយរបស់ខ្លួន លើក្រុមបាល់ទាត់នារីរបស់មន្ទីរ អយក ខេត្តកណ្ដាលដោយលទ្ធផល ១៤-០ ក្នុងការប្រកួតពានរង្វាន់ជើងឯកបាល់ទាត់នារីកម្ពុជាឆ្នាំ២០១៦។

ការប្រកួតរវាងក្រុមទាំងពីរនេះ ធ្វើនៅមជ្ឈមណ្ឌល និងសាលាកីឡាបាល់ទាត់ជាតិបាទី ដោយត្រឹមតង់ទីមួយ ក្រុម សសយក ខេត្តស្វាយរៀងរកបាន៩គ្រាប់ទៅហើយ។ ខណៈដែលចូលដល់តង់ទី២ ពួកគេថែមបាន៥គ្រាប់ទៀត ដើម្បីយកបាន៣ពិន្ទុក្នុងប្រកួតដំបូងរបស់ពួកគេ។ ចំពោះប្រកួតបន្ទាប់វិញ ក្រុមបាល់ទាត់នារីមកពីខេត្តស្វាយរៀងនេះ នឹងត្រូវប៉ះជាមួយក្រុមមន្ទីរ អយក ខេត្តបាត់ដំបង នៅថ្ងៃសុក្រ ទី១៦ ខែកញ្ញា ឆ្នាំ២០១៦ វេលាម៉ោង៨:៣០នាទីព្រឹក។

សូមបញ្ជាក់ថាពានរង្វាន់ជម្រើសជើងឯកបាល់ទាត់នារី ឆ្នាំ២០១៦ ចាប់ផ្តើមដំណើរការប្រកួតតាំងពីថ្ងៃទី១២ ខែកញ្ញា រហូតដល់ថ្ងៃទី២៤ ខែកញ្ញា ឆ្នាំ២០១៦ នៅ មជ្ឈមណ្ឌល និងសាលាបាល់ទាត់ជាតិបាទី ខេត្តតាកែវ ដែលរៀបចំឡើងដោយ សហព័ន្ធកីឡាបាល់ទាត់ជាតិកម្ពុជា។ ក្រុមដែលចូលរួមមានតែ១០ក្រុមទេ ក្រោយពីក្រុមមន្ទីរ អ.យ.ក ខេត្តក្រចេះ សុំដកខ្លួន ដោយ១០ក្រុមនេះបែងចែកជា២ពូល ប្រកួតសន្សំពិន្ទុក្នុងពូល យកអ្នកលេខ១និងលេខ២ តាមពូលនិមួួយៗ ទៅលេងវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ។

ពូលA	ពូល B
សសយក ខេត្តស្វាយរៀង	មន្ទីរ អយក ខេត្តកំពង់ឆ្នាំង
មន្ទីរ អយក ខេត្តបាត់ដំបង	ម៉ៃធីហ្គើល (អង្គការនៅបាត់ដំបង)
មន្ទីរ អយក ខេត្តតាកែវ	សមាគមកីឡាខេត្តព្រះវិហារ
អង្គរអែហ្វស៊ី	អង្គការសាន់រ៉ាយ
មន្ទីរ អយក ខេត្តកណ្ដាល	មន្ទីរ អយក ខេត្តត្បូងឃ្មុំ

នេះជាលើកទី៦ហើយសម្រាប់ការប្រកួតបាល់ទាត់នារីរបស់កម្ពុជា ហើយប្រាក់រង្វាន់សម្រាប់ក្រុមដែលឈ្នះគឺ២លានរៀល។ ក្រុមដែលទទួលបានលេខ២ ទទួលបាន ១ ២០០ ០០០ រៀល លេខ៣បាន ៨០០ ០០០រៀល ។ ក្រុមដែល Fair Play បាន ៨០០ ០០០ រៀល និងកីឡាការិនីស៊ុតចូលច្រើនជាងគេបាន៤០០ ០០០ រៀល៕

អត្ថបទ៖ មុន្នី រម្យ

រូបភាព៖ផ្ដល់ឱ្យ

ពាក្យទាក់ទង

កីឡាបាល់ទាត់ស្ត្រីកម្ពុជា

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

Mohamed Salah ជាប់ឈ្មោះក្នុងបញ្ជីអ្នក Assist ច្រើនជាងគេទាំង១០នៅ EPL

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

កោះសាមសិប តំបន់ទេសចរណ៍ធម្មជាតិ ដ៏គួរឱ្យចាប់អារម្មណ៍ សម្រាប់អ្នកចង់បោះតង់ គេងមើលផ្កាយ

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

អត្ថបទថ្មី

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ហេតុផលទាំង ៦ បង្ហាញថាអ្នកគាំទ្រមួយចំនួនហាក់ឃ្លាតឆ្ងាយពីវិស័យ Fandom

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

ការដាំដើមឈើក្នុងកម្មវិធីផ្សារណូអែលនៅទីក្រុងនរា