ឡូយ ! កាហ្វេអាចឆ្លុះបញ្ចាំងពីបុគ្គលិកលក្ខណៈរបស់អ្នកផឹក

2016-10-14 18:52:02
ចំនួនមតិ 0 | ចំនួនចែករំលែក 0

ចន្លោះមិនឃើញ

កាហ្វេជាភេសជ្ជៈពេលព្រឹកដ៏ពេញនិយមដើម្បីចាប់ផ្ដើមថ្ងៃថ្មី។ កាហ្វេមិនត្រឹមតែធ្វើឲ្យអ្នកមានអារម្មណ៍ល្អប៉ុណ្ណោះទេ តែវាក៏ឆ្លុះបញ្ចាំងពីបុគ្គលិកលក្ខណៈរបស់អ្នកដោយផ្អែកទៅលើរសជាតិ និងប្រភេទដែលអ្នកចូលចិត្តផងដែរ។ នេះបើតាមការបញ្ជាក់របស់លោកវេជ្ជបណ្ឌិត Gary L. Wenk ដែលបានចុះផ្សាយនៅក្នុងគេហទំព័រ Psychology Today។

តោះ! សាកស្វែងរកមើលរសជាតិកាហ្វេដែលអ្នកចូលចិត្តខាងក្រោម តើត្រូវនឹងបុគ្គលិកលក្ខណៈរបស់អ្នកឬទេ?

១.ឡាតេ (Latte)

បើសិនអ្នកជា fan របស់ ឡាតេ វិញ អ្នកប្រហែលជាមនុស្សដែលមានបញ្ហាក្នុងការសម្រេចចិត្តបន្តិច។ មានន័យថាអ្នកមិនសូវខ្វាយខ្វល់ វិភាគលើការសម្រេចចិត្តអីច្រើនទេ។ អ្នកជាមនុស្សដែលមានភាពបត់បែនពីធម្មជាតិ ហើយចូលចិត្តឲ្យការគិតស្រមើស្រមៃបង្កើតជម្រើសសម្រាប់អ្នកវិញ។ ជាពិសេស ផាសុកភាព ជាចំណូលចិត្តរបស់អ្នក ហើយការផឹក ឡាតេ ពេលព្រឹក រឺក៏ពេលថ្ងៃត្រង់ គឺជាផ្នែកមួយដែលអ្នកគិតថាធ្វើឲ្យជីវិតកាន់តែមានន័យ។

២. អេសស្ព្រែសសូ (Espresso)

សម្រាប់អ្នកដែលចូលចិត្តផឹក អេសស្ព្រែសសូ គឺជាមនុស្សមានភាពជាអ្នកដឹកនាំពីកំណើត និងស្វិតស្វាញក្នុងការងារ ចូលចិត្តនិយាយត្រង់ ហើយតែងច្បាស់ក្នុងចិត្តថា ត្រូវធ្វើកិច្ចការណាដោយរបៀបណា។ មិនតែប៉ុណ្ណោះ ការប្រឹងប្រែងរបស់អ្នកគឺជាកម្លាំងចិត្តដ៏សំខាន់សម្រាប់មនុស្សជាទីស្រឡាញ់ និងអ្នករួមការងារ។ ទម្លាប់ផឹក អេសស្ព្រែសសូ ពេលព្រឹក ហើយនឹងពេលបាយថ្ងៃត្រង់រួច នឹងនាំឲ្យអ្នកមានកម្លាំងចិត្តរាល់ថ្ងៃដើម្បីឆ្ពោះទៅកាន់ភាពជោគជ័យ។

សំណាងល្អណាស់ ដែលឥឡូវនេះ អេសស្ព្រែសសូ ក៏មានជាប្រភេទកាហេ្វកំប៉ុងដែរ ដូចជា ណេសកាហ្វេ អេសស្ព្រែសសូរ៉ូស (Nescafé Espresso Roast) ដែលមានកំប៉ុងពណ៏បៃតង ជាកាហេ្វខាប់ និង មានរសជាតិខ្លាំង ឈ្ងុយឆ្ងាញ់ ដែលអាចញុំាបានភ្លាមៗ ដោយមិនចាំបាច់ រងចាំយូរ។

៣. អេសស្ព្រែសសូ ឌុប (Double Espresso)

បើអ្នកចូលចិត្តផឹក អេសស្ព្រែសសូ ឌុប អ្នកគឺជាមនុស្សមានហេតុផល អ្នកចូលចិត្តអនុវត្តជាក់ស្ដែងដោយមិនចូលចិត្តស៊ីជោរនោះទេ។ ចំណុចមួយរបស់អ្នកផឹកដែលដូចទៅនឹងអេសប្រេសសូ ដែរ គឺ ភាពឧស្សាហ៍ព្យាយាម។ តែទោះយ៉ាងណា ការងាររបស់អ្នកនឹងកាន់តែប្រសើរឡើង បើអ្នកបានទទួលការណែនាំច្បាស់លាស់ពីអ្នកដទៃ ឧទាហរណ៍ ដូចជាពីចៅហ្វាយនាយរបស់អ្នកជាដើម។

៤. កាពូឈីណូ (Cappuccino)

តើអ្នកពេញនិយម កាពូឈីណូ មែនទេ? បើមែននោះ អ្នកជាប្រភេទមនុស្សមានគំនិតទូលំទូលាយ និងមិនចូលចិត្តនិយាយពាក្យគ្រោតគ្រាត។ កាពូឈីណូ ធ្វើឲ្យអ្នកមើលទៅជាមនុស្សទាន់សម័យ និងមានទំនោរទៅរកអ្វីដែលទំនើបៗ ។ ជាមួយគ្នាផងដែរ អ្នកក៏មានគំនិតច្នៃប្រឌិតខ្ពស់ និងមានភាពរួសរាយជាប្រចាំ ហើយអ្នកផ្សេងតែងចាត់ទុកអ្នកជាមិត្តភក្ដិដ៏ល្អម្នាក់។

៥. ហ្វ្រេពូឈីណូ (Frappuccino)

អ្នកជាមនុស្សចូលចិត្តផ្សងព្រេង និងពឹងពាក់លើខ្លួនឯង ហើយធ្វើអ្វីភ្លាមៗដោយមិនក្បាច់ក្បូរច្រើន។ ជាធម្មជាតិ អ្នកជាមនុស្សរីករាយ មានគំនិតសុទិដ្ឋិនិយម ធ្វើឲ្យអ្នកដទៃចូលចិត្តច្រើន។

ប្រសិនបើអ្នកចង់ឆុង Frappuccino ដោយខ្លួនឯង ដំបូងអ្នកគ្រាន់តែដាក់ម្ស៉ៅកាហ្វេ Nescafe 3 in 1 ២ ឬ ៣ ស្លាបព្រា លាយជាមួយទឹកដោះស្រស់ នឹងស្ករទៅតាមចំណូលចិត្តរបស់អ្នក ក្នុងម៉ាស៊ីនក្រឡុក ហើយចុចម៉ាស៊ីនឲ្យក្រឡុកប្រមាណ ៣០វិនាទី រួចដាក់ទឹកកកនោះជាការស្រេច។

៦. កាហ្វេចាស់ខ្លាំង (Dark Roast)

ចូលចិត្តផឹកកាហ្វេចាស់ខ្លាំងមែនទេ? នោះអ្នកជាមនុស្សមានរបៀប និងចូលចិត្តរស់នៅបែបងាយៗ។ អ្នកមិនត្រូវការខោអាវ ឬគ្រឿងអលង្ការឆើតឆាយអីនោះទេ។ នេះជាមូលហេតុដែលធ្វើឲ្យមិត្តភក្ដិភាគច្រើនចូលចិត្តអ្នក។ បុគ្គលិកលក្ខណៈអ្នក និងកាហ្វេចាស់ខ្លាំងដែលអ្នកផឹកដូចគ្នា គឺសាមញ្ញ មិនសាំញ៉ាំច្រើន។ ការផឹកកាហេ្វចាស់ខ្លាំង (Dark Roast) រៀងរាល់ពេលព្រឹក រឺក៏ពេលថ្ងៃត្រង់ គឺធ្វើឲ្យអារម្មណ៍ល្អ និងមានកម្លាំងធ្វើការងារបានច្រើន។

៧. កាហ្វេជាមួយក្រែម  និងស្ករ (Creamer-and-sugar coffee)

អ្នកមានអត្តចរិតពីរ គឺម្យ៉ាងជាមនុស្សមានរបៀបរៀបរយ តែពេលខ្លះអ្នកក៏អាចបង្កភាពរញ៉េរញ៉ៃផងដែរ។ ប្រៀបដូចរសជាតិកាហ្វេក្នុងកែររបស់អ្នកអញ្ចឹងដែរ ទន្ទឹមនឹងបានភ្លក់រសជាតិកាហ្វេឆ្ងាញ់ អ្នកក៏អាចរីករាយជាមួយរសជាតិផ្អែមរបស់ស្ករក្នុងពេលតែមួយ។

អ្នកចូលចិត្តកាហ្វេប្រភេទនេះ ជឿជាក់ថាអ្នកច្បាស់ជាស្គាល់ Coffee mate របស់ Nescafe ជាមិនខាន។ វាអាចជួយបន្ថែមជាតិក្រែមបានយ៉ាងល្អ មិនមានជាតិធ្វើឲ្យឆ្អាបពេលដាក់ច្រើនទៅក្នុងកាហ្វេដូចប្រើទឹកដោះគោស្រស់នោះទេ។ អ្នកខ្លះឆុងកាហ្វេប្រភេទនេះ ប្រើក្រែមច្រើនជាងស្ករផង តែជាការពិតទៅ គឺម្ស៉ៅក្រែមនេះក៏អាចជួយបន្ថយជាតិចាស់របស់កាហ្វេបានដែរ។

យ៉ាងម៉េចដែរប្រិយមិត្ត Sabay តើអ្នកគិតយ៉ាងណាចំពោះចំណុចខាងលើ? សុំយោបល់ម្នាក់មួយមាត់មក។

ពាក្យទាក់ទង

ការផ្សាយពាណិជ្ជកម្ម ណេសកាហ្វេ

អត្ថបទពេញនិយម

ខេត្តកំពង់ធំ នឹងមានប្រព័ន្ធធារាសាស្រ្តថ្មីគ្របដណ្តប់ក្រុង-ស្រុក៥ អាចស្រោចស្រពលើផ្ទៃដី ៣០ម៉ឺនហិកតា

ជឿឬមិនជឿតាមការគិតរាងខ្លួន! ស្វាមី ផន សុផារី ទម្លាយរឿងព្រឺសម្បុរ ទាក់ទងនឹងវិញ្ញាណឧកញ៉ា ឈាងរ័ត្ន

ប្ដីប្រពន្ធមួយគូ ធ្វើរឿងហួសហេតុក្នុងកម្មវិធីប្រគុំតន្រ្តី The Eras Tour របស់Taylor Swift គេរិះគន់ព្រៀត

រដ្ឋត្រៀមសង់ផ្លូវតភ្ជាប់ពីស្ពានចាក់អង្រែក្រោម-ព្រែកប្រា ទៅកាន់ផ្លូវជាតិលេខ១តែម្តង

ពេលទៅចុះបញ្ជីកំណើតឱ្យកូន! ប៉ាម៉ាក់ត្រូវដឹងពីចំណុចទាំងអស់នេះសិន កុំឱ្យទៅមកច្រើនសារ

កំណាយព្រែកជីកបុរាណមួយនៅសៀមរាប បានរកឃើញ កុលាលភាជន៍ ដែលផលិតនៅដើមសម័យអង្គរ

អត្ថបទថ្មី

Mbappe ប្រកាសចាកចេញពី PSG ក្រោយរួមរស់អស់ ៧ឆ្នាំ

តម្លៃសាំងធម្មតាចុះ១៥០៛/លីត្រ ខណៈតម្លៃម៉ាស៊ូតចុះ៥០៛/លីត្រ ទូទាំងប្រទេសកម្ពុជា

២ឆ្នាំចុងក្រោយនេះ គួន ម៉ុម បាត់ឱកាសលេងនៅប្រទេសមហាអំណាចបាល់ទះ២នៅអាស៊ី