វិធីចៀនពោះវៀនជ្រូកខ្ទឹមម្រេច ងាយៗឈ្ងុយឆ្ងាញ់

2016-12-01 04:14:06
ចំនួនមតិ 0 | ចំនួនចែករំលែក 0

ចន្លោះមិនឃើញ

មុខម្ហូបចៀនពោះវៀនជ្រូកខ្ទឹមម្រេច ជាមុខម្ហូបងាយស្រួលធ្វើឆ្ងាញ់ពិសាសម្រាប់អ្នកចូលចិត្តញ៉ាំគ្រឿងក្នុង និងមនុស្សជាច្រើនទៀតក៏ប្រហែលជាចូលចិត្តមុខម្ហូបនេះដែរ។ គ្រឿងផ្សំរបស់វាមិនជាពិបាករកទេ គ្រាន់តែសួររកទិញតាមតូបលក់ដូរនៅជិតលោកអ្នកប៉ុណ្ណោះ។ តោះមកមើលគ្រឿងផ្សំ និងវិធីធ្វើទាំងអស់គ្នា។

គ្រឿងផ្សំ៖ ពោះវៀនជ្រូក ៥០០ក្រាម មើមខ្ទឹមសចិញ្ច្រាំជិតកន្លះកូនចាន ទឹកស៊ីអ៊ីវ កន្លះកូនចាន ស្ករស កន្លះកូនចាន ម្រេច ១ស្លាបព្រា អំបិល ១ស្លាបព្រា ម្សៅអង្ក ១កូនចាន ប្រេងឆាសម្រាប់ចៀន ជីវ៉ាន់ស៊ុយ២ដើម

វិធីធ្វើ៖ ដំបូងយកពោះវៀនជ្រូកលាងឲ្យស្អាត រួចដាំទឹកឲ្យពុះដាក់ចូល។ ក្រោយស្ងោរឆ្អិនល្មមៗ ស្រង់វាឡើង ហាន់ជាកង់ៗ រួចយកមកប្រឡាក់គ្រឿងដែលមានរៀបរាប់ដូចខាងលើច្របល់ចូលគ្នា រួចទុករយៈពេល១៥នាទី ទើបដាក់ម្សៅតាមក្រោយ។ បន្ទាប់ពីពោះវៀនជ្រូកចូលជាតិហើយ យកទៅចៀនវាតែម្ដង៕