កកូរស្លឹកអង្កាញ់ ម្ហូបលាក់មុខប្រចាំត្រកូលអ្នកស្រុករំដួលពីដើម ឆ្ងាញ់មិនចាញ់កកូរកណ្ដៀង

2016-12-10 02:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្វាយរៀង មានកកូរកណ្ដៀង និងសាច់ជ្រូកលីងជ្រក់សណ្ដែក ជាម្ហូបល្បីប្រចាំខេត្តទាំងមូល។ ប៉ុន្តែ នៅស្រុកមួយពីដើមនៃខេត្តស្វាយរៀង គឺស្រុករំដួល (បច្ចុប្បន្នក្រុងស្វាយរៀង) ក៏មានម្ហូបលាក់មុខមួយប្រភេទដែលនៅស្វាយរៀងភាគច្រើនមិនធ្លាប់ឮ ឬមិនចេះធ្វើ។

ជួបជាមួយក្រុមការងារ «ផ្លូវទៅស្រុក» លោក ប៉ែន ភន អ្នករស់នៅឃុំសង្ឃ័រ ស្រុករំដួល (បច្ចុប្បន្នសង្កាត់ សង្ឃ័រ ក្រុងស្វាយរៀង) ផ្ទាល់ បានប្រាប់ថា សម្លកកូរស្លឹកអង្កាញ់នេះ មានតែប៉ុន្មានគ្រួសារប៉ុណ្ណោះនៅស្រុករំដួលពីដើម ដែលចេះស្ល។

ស្លឹកអង្កាញ់

បុរសជំនាញធ្វើម្ហូបវ័យ ៦៦ ឆ្នាំរូបនេះ បន្តថា លក្ខណៈពិសេសនៃសម្លកកូរស្លឹកអង្កាញ់ គឺការបុកគ្រឿងជាមួយត្រី និងការជ្រើសរើស និងស្រុសរម្ងាស់ស្លឹកអង្កាញ់។ ជាក់ស្ដែង ការជ្រើសរើសប្រភេទត្រី ការបុកគ្រឿងខុសពីកកូរផ្សេង ហើយស្លឹកអង្កាញ់ស្រុសរួច ត្រូវសម្រិតទឹកចេញ រួចចាក់ទឹកត្រជាក់ រួចទុកយូរបន្តិច ដើម្បីបំបាត់ជាតិល្វីង។

ចង់ដឹងសម្លកកូរគេមិនស្គាល់មួយនេះ មានគ្រឿងផ្សំ និងរបៀបធ្វើយ៉ាងម៉េច សូមមើលវីដេអូខាងក្រោម៖