Ford Adventure ២០១៦ ធ្វើដំណើរដល់មជ្ឈមណ្ឌលសិក្សាស្រាវជ្រាវ និង អភិរក្សដំរី សុរិន្ទ ប្រទេសថៃ

2016-12-13 02:31:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន RMA ដែលជាក្រុមហ៊ុននាំចូលរថយន្ត Ford មកកាន់ប្រទេសកម្ពុជា បានរៀបចំកម្មវិធីដំណើរកម្សាន្តជូនអតិថិជនរបស់ខ្លួនដោយធ្វើដំណើរពីប្រទេសកម្ពុជាទៅប្រទេសថៃ មានរយៈពេល ៣យប់ ៤ថ្ងៃ ក្នុងចំណោមដំណើរកម្សាន្តនេះ RMA បានទៅដល់មជ្ឈមណ្ឌលសិក្សាស្រាវជ្រាវ និង អភិរក្សដំរី ស្ថិតនៅក្នុងខេត្តសុរិន្ទ ប្រទេសថៃ។

ខេត្តសុរិន្ទ ប្រទេសថៃ ដែលមានចម្ងាយប្រមាណជា ជាង៥០០ គីឡូម៉ែត្រ ពីរាជធានីភ្នំពេញប្រទេសកម្ពុជា គឺជាទឹកដីសម្បូរសត្វដំរី។ នៅក្នុងមជ្ឈមណ្ឌលគជសិក្សា ខេត្តសុរិន្ទមានដំរីប្រមាណជា ២០០ ក្បាល ដែលគេយកមកបង្ហាត់ និង សម្ដែងនៅក្នុងរឿងបុរាណរបស់ថៃជាច្រើនហូរហែជាបន្តបន្ទាប់ ហើយហ្វូងដំរីដែលនៅត្រាច់ចរនៅតាមផ្លូវនានា ក្នុងក្រុងបាងកកក្ដី ភាគច្រើន គឺជាដំរី ដែលនៅខេត្តសុរិន្ទនេះឯង។

សូមចុចទស្សនាវិដេអូខាងក្រោមនេះ

លោក ម៉ែន ឃុន អតិថិជន Ford រស់នៅក្នុងខេត្តកំពង់ស្ពឺ ដែលបានចូលរួមដំណើរកម្សាន្ត FORD Adventure ២០១៦ បាននិយាយថា "ខ្ញុំទិញរថយន្តFord មិនស្ដាយលុយទេ ក្រៅពីរថយន្តមានគុណភាព ហើយក្រុមហ៊ុនមួយនេះតែងតែបង្កើតកម្មវិធីថ្មីៗ ទាក់ចិត្តអតិថិជន និង ណែនាំអំពីវិធីបើកបរប្រកបដោយភាពច្បាស់លាស់ផងដែរ"។

នេះជាដំណើរកម្សាន្តប្រចាំឆ្នាំ FORD Adventure លើកទី ១០ ដែលបានចាប់ផ្ដើមកាលពីថ្ងៃទី ៨ ដល់ថ្ងៃទី ១១ ខែធ្នូ ឆ្នាំ ២០១៦។ ដំណើរកម្សាន្ត Ford Adventure បានរៀបចំដំបូងក្នុងឆ្នាំ ២០០៧ និងបន្តធ្វើជារៀងរាល់ឆ្នាំតាមគោលដៅតំបន់ទេសចរណ៍ក្នុងប្រទេសកម្ពុជា និងប្រទេសជិតខាង។

១. ឆ្នាំ ២០០៧ បានធ្វើដំណើរទៅខេត្តមណ្ឌលគិរី

២. ឆ្នាំ ២០០៨ ទៅកាន់ខេត្តរតនគិរី

៣. ឆ្នាំ ២០០៩ ទៅកាន់ខេត្តប៉ៃលិន

៤. ឆ្នាំ ២០១០ ទៅខេត្តចម្ប៉ាសាក់ប្រទេសឡាវ

៥. ២០១១ ទៅខេត្តចម្ប៉ាសាក់ប្រទេសឡាវ

៦. ឆ្នាំ ២០១២ ទៅកាន់ខេត្តមណ្ឌលគិរី

៧. ២០១៣ ទៅកាន់ខេត្តចម្ប៉ាសាក់ប្រទេសឡាវ

៨. ឆ្នាំ ២០១៤ ទៅកាន់ខេត្តត្រាតប្រទេសថៃ

៩. ឆ្នាំ ២០១៥ ទៅកាន់ខេត្តចន្ថាបុរី ប្រទេសថៃ

១០. ឆ្នាំ ២០១៦ ទៅខេត្តសុរិន្ទ និង បុរីរាមប្រទេសថៃ៕