ឡូយណាស់ ខេត្តកំពង់ស្ពឺនឹងមានទីលានបាល់ទាត់តម្លៃជាង១លានដុល្លារ

2017-01-26 04:25:16
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហ៊ុន ម៉ានី តំណាងរាស្រ្តខេត្តកំពង់ស្ពឺ និងជាប្រធានសហភាពសហព័ន្ធយុវជនកម្ពុជា បានឲ្យដឹងកាលពីពេលកន្លងទៅថាទីលានបាល់ទាត់លំដាប់ស្តង់ដាមួយដែលអាចផ្ទុកអ្នកទស្សនាប្រមាណជា៣ ទៅ៤ពាន់នាក់ គ្រោងនិងធ្វើការសាងនាពេលឆាប់ខាងមុខនេះ។ ដោយទីលានមួយនេះស្ថិតនៅក្នុងខេត្តកំពង់ស្ពឺ ដែលគ្រោងនិងចំណាយថវិកាប្រមាណជាង១លានដុល្លាអាមេរិកក្នុងការសងសាងទីលានបាល់ទាត់ដ៍ប្រណិតនេះ។

លោកបានបញ្ជាក់ថា គម្រោងមួយនេះមិនមែនជាថវិការបស់ក្រុមការងារនោះទេ គឺជាការគៀងគរសុំពីក្រុមហ៊ុនឯកជនមួយ។ ការខិតខំគៀងគរទាំងអស់នេះព្រោះចង់ធ្វើអោយវិស័យកីឡាបាល់ទាត់នៅខេត្តកំពង់ស្ពឺមានការរីកចំរើន និងមានកីឡាករខ្លាំងៗល្បីឈ្មោះដូចកីឡាករចាន់ វឌ្ឍនាកា និងប្រាក់ មុន្នីឧត្តម ចេញពីខេត្តកំពង់ស្ពឺនេះដែរ។

ទន្ទឹមនិងការអភិវឌ្ឍន៍វិស័យបាល់ទាត់នៅក្នុងខេត្តកំពង់ស្ពឺអោយមានការរីកចម្រើនអាចប្រកួតប្រជែងបានជាមួយក្រុមខ្លាំងដ៍ទៃទៀតនោះ ហើយលោក និងធ្វើការស្នើសុំគ្រូបង្វឹកមកពីរាជធានីភ្នំពេញដើម្បីបណ្តុះបណ្តាលជំនាញបាល់ទាត់ដល់យុវជនខេត្តកំពង់ស្ពឺអោយមានសមត្ថភាពពេញលេញក្លាយជាកីឡាករអាជីពត្រៀមប្រកួតប្រជែងពានរង្វាន់ក្នុងស្រុក ដូចជាពានរង្វាន់សម្តេចតេ ជោហ៊ុនសែន ជាដើម។

បច្ចុប្បន្ននេះខេត្តកំពង់ស្ពឺទទួលបានទីលានហ្វូតសាលចំនួន៣រួចមកហើយពីស្ថានទូតសារធារណៈរដ្ឋចិនប្រចាំនៅកម្ពុជា៕

អត្ថបទ៖ មុន្នីរម្យ