សោម ស្រីនាថ ពិបាកចិត្តរកលុយមិនគ្រប់ព្យាបាលជំងឺមហារីក ម្ដាយ

2017-02-01 07:29:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីការនី សោម ស្រីនាថ ប្រាប់ថាកំពុងតែស្ថិតនៅក្នុងដំណាក់កាលពិបាក ដោយសារម្ដាយមានជំងឺមហារីកសុដន់ កំពុងតែព្យាបាលសម្រាកនៅមន្ទីរពេទ្យរុស្សី ដោយក្នុងនោះនាងមិនមានថវិកាគ្រប់គ្រាន់ដើម្បីធ្វើការព្យាបាលជំងឺម្ដាយទេ។

តារាស្រីរូបនេះប្រាប់ថាម្ដាយនាងឈឺយូរហើយ តែពេលនេះរើឡើងវិញ ពីមុនមកក៏មិនដែលបានបង្ហោះអការៈម្តាយនៅក្នុងបណ្តាញសង្គមដែរ ប៉ុន្តែលើកនេះដោយសារជួបបញ្ហាខ្វះខាតថវិកាខ្លាំង ទើបបង្ហាញក្រែងមានបងប្អូនអាណិតអាសូរបានជួយខ្លះ ត្បិតអីរាល់ថ្ងៃនាងត្រូវរ៉ាប់រងបន្ទុកគ្រួសារទាំងមូល។ ស្រីនាថ មានបងប្អូន ៣នាក់ នាងជាកូនច្បងក្នុងគ្រួសារ លោកឪពុក ក៏មានជំងឺទឹកនោមផ្អែមជាប់ខ្លួន មិនអាចចេញរកស៊ីអ្វីបាន។

កន្លងមកតារាម៉ូដែលរូបនេះប្រាប់ថាមានសប្បុរសជន ក៏ដូចជាមិត្តភក្តិសិល្បៈ បានជួយម្តាយនាងខ្លះដែរ ប៉ុន្តែមិនអាចទប់នឹងការចំណាយក្នុងគ្រួសារ និងថ្លៃថ្នាំពេទ្យបានទេ។ “ឥឡូវកំពុងតែលំបាកណាស់បង ចំណូលដែលរកបានពីសិល្បៈ ទប់មិនជាប់ទេបង ណាមួយឥឡូវគ្រួសារទាំងមូលខ្ញុំត្រូវរ៉ាប់រងទាំងអស់ទៀត ប្អូនៗក៏នៅរៀន ម្តាយឪពុកសុទ្ធតែមានជំងឺ ពិបាកណាស់បង"។ ស្រី នាថ បន្ថែម៕

អត្ថបទ៖ ថា ម៉ាលីដា