Cam-Tiger មិនទាន់ដឹងអីផង គ្រូបង្វឹកមានបញ្ហាផ្ទាល់ខ្លួនឈប់បាត់
- 2017-02-03 01:58:29
- ចំនួនមតិ 0 | ចំនួនចែករំលែក 0
Cam-Tiger មិនទាន់ដឹងអីផង គ្រូបង្វឹកមានបញ្ហាផ្ទាល់ខ្លួនឈប់បាត់
ចន្លោះមិនឃើញ
មិនទាន់នឹងបើករដូវកាលថ្មីផង ក្លឹប Cambodian Tiger បាត់បង់គ្រូបង្វឹកម្នាក់ទៅហើយ ដោយសារតែលោកមានបញ្ហាផ្ទាល់ខ្លួនសុំឈប់តែម្ដង។
បើតាមការបញ្ជាក់របស់ Page ក្លឹប Cam-Tiger លោក ហុក សុជីវន្ត បានលាឈប់ពីតំណែងដោយសារតែមានបញ្ហាផ្ទាល់ខ្លួនមិនអាចនៅដឹកនាំក្រុមបន្តទៀតបានសម្រាប់រដូវកាលថ្មីខាងមុខនេះ។ ក្នុងការបញ្ជាក់នោះដែរ មិនត្រឹមតែគ្រូបង្វឹកនោះទេ ក៏មានកីឡាករម្នាក់ទៀតឈប់ដែរគឺ Oni Ayomakinwa Samuel ដែលបានចូលរួមជាមួយក្លឹប តាំងពីខែ១២ឆ្នាំមុន។
ក្លឹបដែលមានថ្នាក់ដឹកនាំជាជនជាតិជប៉ុនមួយនេះ ឃើញថាកំពុងតែដំណើរការបានល្អទៅហើយ ដោយបានយកទីលានបាល់ទាត់នៅខេត្តសៀមរាបធ្វើជា Home របស់ខ្លួនសម្រាប់ការប្រកួតលីគកំពូលនៅពេលខាងមុខនេះ។ ខណៈដែលពួកគេក៏បាននាំយកកីឡាករបរទេសមួយចំនួនមកពង្រឹងក្រុមផងដែរ៕