ទ័ព ប៉ះណាហ្គាវើលស្អែក អាចមានគ្រាប់ដោយបាល់រៀបចំ Set piece
- 2017-09-08 03:26:20
- ចំនួនមតិ 0 | ចំនួនចែករំលែក 0
ទ័ព ប៉ះណាហ្គាវើលស្អែក អាចមានគ្រាប់ដោយបាល់រៀបចំ Set piece
ចន្លោះមិនឃើញ
លីគកំពូលកម្ពុជាត្រលប់មកបម្រើអ្នកគាំទ្រកម្ពុជាវិញហើយ សម្រាប់សប្ដាហ៍នេះ ដោយមានក្រុមខ្លាំងៗជាច្រើនប៉ះគ្នាដូចជា ក្រសួងការពារជាតិ ត្រូវតតាំងជាមួយណហ្គាវើលជាដើម។
គូខាងលើនេះអាចចាត់ទុកថាជាគូល្អមើលជាងគេក្នុងការប្រកួតលីគកំពូលកម្ពុជាសប្ដាហ៍ទី១៥នេះ ត្បិតអីក្រុមទាំងពីរកំពុងតែប្រជែងពិន្ទុគ្នាខ្លាំងមែនទែនក្នុងតំបន់ Top4។ ដោយការសម្រាកលីគជាង១ខែមកនេះ ក្រុមទាំងពីរសុទ្ធតែបានហ្វឹកហាត់ល្អដូចគ្នា ហើយកីឡាករក៏ពេញកម្លាំងល្អផងដែរ។
លោក ភា សុភក្ត្រា គ្រូជំនួយរបស់ក្រសួងការពារជាតិមើលឃើញថាក្រុមរបស់ខ្លួនហ្វឹកហាត់របៀបលេងជាមួយណាហ្គាបានយ៉ាងល្អ ជាពិសេសការលេងនិងល្បិចកាត់ផ្ដាច់ចំណុចខ្លាំងរបស់ក្រុមលោក មាស ចាន់ណា។ ចំណាប់អារម្មណ៍ចំពោះការប្រកួតនេះ អតីតគ្រូបង្វឹកយុវជនថ្នាលជម្រើសជាតិមើលឃើញថាក្រុមទាំងពីរអាចនឹងមានគ្រាប់បាល់ ដោយសារបាល់ពិន័យទាត់ហ្វ្រីឃីក ឬបាល់ជ្រុង (ដែលពាក្យបច្ចេកទេស ហៅថា Set Piece)។ មូលហេតុដោយសារតែទីលានស្ដាតចាស់ មិនសូវជាអំណោយផលដល់ការលេងរក្សាបាល់ និងសហការគ្នាឡើយ។
ក្រុមខ្លាំងទាំងពីរខាងលើនេះ ធ្លាប់ប៉ះគ្នា១៧ដងមកហើយ ដោយក្នុងនោះក្រសួងការពារជាតិឈ្នះបានតែ៣ដងទេ ស្មើគ្នា៥ដង និងណាហ្គាវើលឈ្នះបាន៩ដង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
