ពាក្យ២ម៉ាត់របស់ Herrera ធ្វើឲ្យ Jose Mourinho ភ្ញាក់ផ្អើលខ្លាំង

2017-10-28 08:20:23
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jose Mourinho បាននិយាយថាការកត់សម្គាល់របស់ Ander Herrera បន្ទាប់ពីបរាជ័យរបស់ក្រុមបិសាចក្រហមក្រោមថ្វីជើង Huddersfield ២-១ ដោយខ្សែបម្រើរូបនេះនិយាយពាក្យ២ម៉ាត់ "ភាពថ្លៃថ្នូរ" និង "ភាពឆ្លាតវៃ" បានធ្វើឲ្យលោកភ្ញាក់ផ្អើលជាខ្លាំង។

Herrera និយាយថាក្រុម Man Utd ចាញ់ដោយសារតែក្រុមម្ចាស់ផ្ទះបានបង្ហាញឆន្ទៈខ្ពស់ជាងក្រុមរបស់ខ្លួននៅក្នុងតង់ទី១ ជាលទ្ធផលពួកគេក៏ធ្វើបាន។

"ខ្ញុំមានការភ្ញាក់ផ្អើលប៉ុន្តែសប្បាយចិត្តនៅពេលលឺពាក្យទាំងនេះ ព្រោះមិនមានកីឡាករច្រើនទេដែលទទួលស្គាល់ និង សារភាពពីមូលហេតុដែលធ្វើឲ្យគេបរាជ័យ"។ Mourinho បាននិយាយ។

បន្ទាប់ពីភ្លក់រសជាតិចាញ់ជាលើកដំបូងក្នុងរដូវកាលនេះ ដោយសារក្រុមទើប promote ថ្មី លោក Mourinho បានព្រមានដល់កីឡាកររបស់ខ្លួនថាវានឹងមិនមែនជាលើកចុងក្រោយទេ ប៉ុន្តែចង់បញ្ជាក់ប្រាប់ក្រុមអ្នកគាំទ្រថា ឥរិយាបថរបស់កីឡាករក្នុងការប្រកួតជាមួយ Huddersfield គឺជា ករណីដែលឲ្យកើតឡើងតែម្តងគត់៕

ប្រភព៖ Sky Sports ប្រែសម្រួល៖ សុខ លាងហ៊ត