BMW សម្រេចគោលដៅលក់រថយន្តអគ្គិសនីអស់ ១០ម៉ឺនគ្រឿងក្នុងឆ្នាំ ២០១៧នេះ
- 2017-12-20 12:52:44
- ចំនួនមតិ 0 | ចំនួនចែករំលែក 0
BMW សម្រេចគោលដៅលក់រថយន្តអគ្គិសនីអស់ ១០ម៉ឺនគ្រឿងក្នុងឆ្នាំ ២០១៧នេះ
ចន្លោះមិនឃើញ
សារព័ត៌មាន Reuters ផ្សាយថា ក្រុមហ៊ុន BMW បានលក់ដាច់រថយន្តអគ្គិសនី ១០០ ០០០ គ្រឿងឆ្នាំនេះនៅទូទាំងពិភពលោកដែលរថយន្តទាំងនោះមានម៉ូដែលអគ្គិសនី i3 និងរថយន្ត Active Toure 2-Series ។
ម៉ូដែលអគ្គិសនីពេញលេញរួមមាន i3 បានបង្ហាញលើកដំបូងកាលពីឆ្នាំ ២០១៣ ដែលតម្រូវការទីផ្សារស្ទុះខ្លាំងក្នុងទីផ្សារអាមេរិក និងតំបនអឺរ៉ុបខាងលិចក្នុងឆ្នាំ ២០១៧ នេះធៀបនឹងការលក់កាលពីឆ្នាំមុនមានចំនួន ៦០ ០០០ គ្រឿង ។ ដូច្នេះខ្លួនសម្រេចបានកំណើន ៦០% សម្រាប់ការលក់ឆ្នាំ ២០១៧ ។ ក្រុមហ៊ុន Audiថា ខ្លួនរំពឹងការលក់រថយន្តអគ្គិសនីនឹងកើនឡើងក្នុងឆ្នាំ ២០១៨ ដោយកើនឡើងភាគរយពីរខ្ទង់ទៀត ។
BMW បានប្រកាសភាពជាដៃគូជាមួយក្រុមហ៊ុនផលិតថ្ម Solid Power កាលពីដើមឆ្នាំ ២០១៧ នេះដើម្បីជួយសម្រួលការផលិតបច្ចេកវិទ្យាថ្មរបស់ខ្លួនជាទម្រង់ប្រើប្រាស់សមរម្យក្នុងរថយន្តដែលនឹងបង្កើនសុវត្ថិភាព អាយុកាលថ្មជាជាងការប្រើប្រាស់ថ្មលីចូមសព្វថ្ងៃនេះហើយ ក្រុមហ៊ុនក៏មានបំណងផ្តល់ជូនរថយន្តអគ្គិសនីពេញលេញនៅឆ្នាំ ២០២៥ ហើយរថយន្តប្រភេទ sedan ទ្វារ៤កំពុងស្ថិតក្នុងដំណើរការដែលវានឹងចរាចរណ៍លើផ្លូវនៅឆ្នាំ ២០២១ ផងដែរ ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
