ការ​ចាប់​ឆ្នោត​ពាន​ធំ​លំដាប់​ទី​៣​អង់គ្លេស​ English League Cup បាន​ធ្វើ​រួច​រាល់​ហើយ​បន្ទាប់​ពី​ក្រុម​ទាំង​៨​​ប្រកួត​ចប់​២​ថ្ងៃ​មក​នេះ។

Manchester City បាន​យក​ឈ្នះ​ Leicester ដោយ​ការ​ទាត់​បាល់​ប៉េណាល់ទី​វគ្គ​៨​ក្រុម​ចុង​ក្រោយ, Arsenal ឈ្នះ West Ham ១-០, Chelsea ឈ្នះ​ Bournemouth ២-១ និង​ Bristol City ឈ្នះ​ជើង​ឯក​ចាស់​ Manchester United ២-១ ដូច្នេះ​ក្រុម​ដែល​ឡើង​ទៅ​វគ្គ​បន្ត​មាន​ Man City, Arsenal, Chelsea និង​ Bristol ។

ការ​ចាប់​ឆ្នោត​វគ្គ​៤​ក្រុម​ចុង​ក្រោយ​ ឬ​ពាក់​កណ្ដាល​ផ្ដាច់​ព្រ័ត្រ​គឺ Arsenal ត្រូវ​ប៉ះ​ Chelsea និង​ Man City ប៉ះ​ Bristol City។ កាល​បរិច្ឆេទ​នៃ​ការ​ប្រកួត​នឹង​ធ្វើ​នៅ​ថ្ងៃ​ទី​៨ និង​ថ្ងៃ​ទី​២២​ ខែ​មករា​ឆ្នាំ​២០១៨​ ដោយ​ក្រុម​ទាំង​អស់​ត្រូវ​ប្រកួត​២​ជើង​ដើម្បី​ឡើង​វគ្គ​ផ្ដាច់ព្រ័ត្រ៕