ស្ងាត់ៗ! ស្ថានិក Bitcoin ហក់ចូលក្នុងបញ្ជីអ្នកមានទ្រព្យសម្បតិ្តច្រើនជាងគេរបស់ Forbes បាត់

2017-12-21 12:07:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានិកលាក់មុខដែលបានបង្កើនកាក់មាស Bitcoin ឥឡូវនេះបានហក់ចូលក្នុងបញ្ជីកំពូលអ្នកមានទ្រព្យសម្បតិ្តច្រើនជាងគេទាំង ៥០ រូបរបស់ Forbes ហើយក្រោយពីតម្លៃរូបិយប័ណ្ឌអេឡិចត្រូនិកមួយនេះបានស្ទុះដល់ ២០ ០០០ ដុល្លារកាលពីថ្ងៃអាទិត្យសប្តាហ៍មុន ។

យោងតាមក្រុមហ៊ុន CoinMarketCorp ឱ្យដឹងថា រូបិយប័ណ្ឌអេឡិចត្រូនិក Bitcoin លេខមួយរបស់ពិភពលោកបានងាកចេញពីចំណុចខ្ពស់បំផុតដោយជួញដូរក្នុងតម្លៃ ១៨ ០០០ ដុល្លារវេលាម៉ោង ១៣:០០ GMT ថ្ងៃពុធម្សិលមិញ ។ រីឯតម្លៃទីផ្សាររបស់ Bitcoin វិញមានតម្លៃ ៣០០ ប៊ីលានដុល្លារហើយផ្អែកលើតម្លៃបច្ចុប្បន្នរបស់វាធ្វើឱ្យទ្រព្យសម្បត្តិរបស់អ្នកបង្កើត Bitcoinមានចំនួនជាង ១៧ ប៊ីលានដុល្លារ ។

យ៉ាងណាមិញពិភពលោកនៅតែមិនទាន់ជ្រាបច្បាស់ពីអត្តសញ្ញាណរបស់អ្នកបង្កើតកាក់ Bitcoin នៅឡើយទេទោះបីជាមានព័ត៌មានធ្លាប់បង្ហាញឈ្មោះ សាតូស្ស៊ី ណាកាម៉ូតុ (Satoshi Nakamoto) ជាបិតាកាក់មួយនេះខណៈមានមនុស្សមួយចំនួនត្រូវបានដាក់ឈ្មោះនេះដូចគ្នា ឬក៍បានអះអាងថាជាអ្នកបង្កើត Bitcoin ដែរ ។ កាលពីខែវិច្ឆិកាបុរសវ័យ ៦៤ ឆ្នាំដើមកំណើតជប៉ុនជនជាតិអាមេរិកឈ្មោះ Dorian Satoshi Nakamoto រស់នៅក្នុងរដ្ឋកាលីហ្វ័រញ៉ាត្រូវបានគេអះអាងថាជាបុរសនៅពីក្រោយការផលិត Bitcoin តែលោកបានបដិសេធន៍ចំពោះសេចក្តីរាយការណ៍នេះទៅវិញ ។ កាលពីឆ្នាំមុនសហក្រិនអូស្រ្តាលីលោក Craig Wright បានអះអាងថា រូបលោកជាស្ថានិក Bitcoin តែការប្រកាសនេះបានស្ថិតក្នុងមន្ទិលសង្ស័យមួយ ។ ទន្ទឹមគ្នានេះដែរ មហាសេដ្ឋីអាមេរិកលោក Elon Musk បានបញ្ចប់រាល់ពាក្យចចាមអារ៉ាមដែលថារូបលោកជាអ្នកបង្កើត Bitcoin បន្ទាប់ពីមានអតីតបុគ្គលិកហាត់ការនៅឯក្រុមហ៊ុន SpaceX របស់លោកលើកឡើងថា សាតូស្ស៊ីប្រហែលជារូបលោក ។ យ៉ាងណាមិញបញ្ជីជនគួរឱ្យសង្ស័យនៅពីក្រោយកាក់ Bitcoin ក៍រួមមាននិស្សិតផ្នែកភាសាកូដ Michael Clear និងផលិតកហ្គេមជនជាតិហ្វាំងឡង់លោក Vili Lehdonvirta ផងដែរ ។

គួរបញ្ជាក់ថា ទ្រព្យសម្បតិ្តសរុបរបស់ Nakamoto មាន ១៧ ប៊ីលានដុល្លារផ្អែកលើតម្លៃបច្ចុប្បន្នរបស់ Bitcoin ខណៈលោកមាន ៩៨០ ០០០ កាក់ហើយមិនដែលចំណាយឬលក់ចេញមួយកាក់ណាឡើយ ៕

ប្រភព៖ RT ប្រែសម្រួល៖ សិរីបុទ្រ

ពាក្យទាក់ទង

Bitcoin

អត្ថបទពេញនិយម

Haaland, Mbappe, Salah ល្បីសាហាវតែមើលប្រាក់ខែចាញ់ម្នាក់នេះទៅវិញ

ប្រាសាទ ដាវីន បានបង្កើតប្រវត្តិសាស្ត្រជាមាតាទីមួយគ្រងមកុដបវរកញ្ញាចក្រវាលកម្ពុជាឆ្នាំ ២០២៤

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

រថយន្តអគ្គិសនី Maxus Mifa9 សម្រេចបាននូវសម្ធិទផលលក់ដាច់ជាខ្លាំងលើសរថយន្ត Toyota Alphard នៅហុងកុង និងប្រទេសថៃ

ផ្ទុះការរិះគន់អក្សរចិនលើស្លាកហាងគ្មានអក្សរខ្មែរ មន្ត្រីថាបានចុះណែនាំដែរ តែគេមិនស្តាប់

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

អូ គូលែន និងអ្នកនាង សុភ័ក្រ កុសុម៉ា បានក្លាយជាដៃគូសហការណ៍ ដើម្បីលើកកម្ពស់ការរស់នៅប្រកបដោយសុខុមាលភាព

ក្រុមតារាចម្រៀង Twice នឹងចូលរួមជាភ្ញៀវកិត្តិយស ក្រុមColdplay សម្រាប់ការប្រគុំតន្ត្រីរយៈពេល 6 ថ្ងែនៅកូរ៉េ

ធនាគារ វីង គាំទ្រកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៨

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

CamEd Basketball Tournament 2024 ជាការរួមចំណែកលើកកម្ពស់សុខភាពផ្លូវកាយ និងផ្លូវចិត្តសិស្សៗ