ព័ត៌មានសំខាន់សម្រាប់ចុះឈ្មោះចូលប្រកួតពាន Tiger Street Football Festival 2018

2017-12-22 03:50:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍បាល់ទាត់ដ៏ធំទូទាំងប្រទេស Tiger Street Football Festivall 2018 ចាប់ផ្តើមទទួលពាក្យចុះឈ្មោះចូលរួមការប្រកួតហើយដែលរដូវកាលថ្មីនេះត្រូវបានបន្ថែម៣មណ្ឌលទៀតដែលមានរហូតដល់៨មណ្ឌលទូទាំងប្រទេស។

ការចុះឈ្មោះចូលរួមប្រកួតមានដូចខាងក្រោម៖ ១ តំណាងក្រុមទាំងអស់ត្រូវទាក់ទងទទួលពាក្យសុំចូលរួមប្រកួតពីអ្នករៀបចំ ២ ត្រូវបំពេញបែបបទឲ្យបានពេញលេញតាមតម្រូវការឯកសារ ៣ សមាជិកម្នាក់ៗត្រូវតែចុះកិច្ចសន្យាទទួលខុសត្រូវហានិភ័យដោយខ្លួនឯង ៤ ត្រូវភ្ជាប់មកជាមួយនូវ -អត្តសញ្ញាណប័ណ្ណប្រជាជន -លិខិតឆ្លងដែន (សម្រាប់តែកីឡាករបរទេស) -រូបថតចំនួន១សន្លឹក (ថតក្នុងរយៈពេល៣ខែចុងក្រោយ) ៥ ផុតកំណត់នៃការទទួលពាក្យ ថ្ងៃទី១៨ ខែមករា ឆ្នាំ២០១៨។ យ៉ាងណា លោក ទុយ វិច្ឆិកា ប្រធានគណៈកម្មការអាជ្ញាកណ្តាលរៀបចំការប្រកួតបានប្រាប់ថា រហូតដល់ពេលនេះគណៈកម្មការរៀបចំការប្រកួតកំពុងពិភាក្សាធ្វើយ៉ាងណាដើម្បីពន្យារពេលទទួលពាក្យចុះឈ្មោះសម្រាប់មណ្ឌលទាំងឡាយណាដែលនៅពេលវេលាវែងឆ្ងាយទៀត។ គណៈកម្មការនឹងផ្តល់ជូនពេលក្រោយ។

លោក ទុយ វិច្ឆិកា

លក្ខន្តិកៈផ្សេងៗទៀត

-ក្រុមនីមួយៗត្រូវដាក់បញ្ជីឈ្មោះគណៈប្រតិភូរបស់ខ្លួនដែលមានកីឡាករត្រឹមតែ៧នាក់ប៉ុណ្ណោះ។ ក្នុងចំណោម៧នាក់នត្រូវមានប្រធានក្រុម១នាក់។ -សមាជិកទាំង៧នាក់មានសិទ្ធិចូលលេងទាំងអស់។ -ក្រុមនីមួយៗមិនត្រូវបានអនុញ្ញាតផ្លាស់ប្តូរសមាជិកទេ បន្ទាប់ពីការទទួលពាក្យបានបញ្ចប់។ លើកលែងតែកីឡាករមានករណីជាក់ស្តែងដូចជា ជំងឺ របួសដែលលិខិតបញ្ជាក់ពីពេទ្យ។ -ក្រុមនីមួយៗមានសិទ្ធិដាក់កីឡាករបរទេសត្រឹមតែ២នាក់ប៉ុណ្ណោះ។ កីឡាករបរទេសត្រូវមានលិខិតឆ្លងដែនដែលមានសុពលភាពទិដ្ឋាការយ៉ាងតិច៦ខែ គិតចាប់ពីពេលចុះឈ្មោះចូលរួមប្រកួត។ -កីឡាករធ្លាប់លេង និងកំពុងលេងលីគកំពូលកម្ពុជាឆ្នាំ២០១៥ ២០១៦ និង២០១៧មិនអនុញ្ញាតឲ្យចូលរួមប្រកួតឡើយ។ -កីឡាករដែលអាចចូលរួមប្រកួតត្រូវមានអាយុ១៨ឆ្នាំឡើងទៅពោលគឺមានឆ្នាំកំណើតចាប់ពីឆ្នាំ២០០០។ -កីឡាករម្នាក់លេងបានតែ១ក្រុមប៉ុណ្ណោះ។ -ក្រុមមានរចនាសម្ព័ន្ធគ្រប់គ្រង (អាសយដ្ឋានទំនាក់ទំនងសម្រាប់អ្នកទទួលខុសត្រូវ)។

ទាក់ទងចុះឈ្មោះចូលរួមការប្រកួតតាមមណ្ឌលទាំង៨មានដូចខាងក្រោម

១-មណ្ឌលខេត្តកណ្ដាល មណ្ឌលនេះសម្រាប់ក្រុមនៅខេត្តកណ្ដាល។ ទាក់ទងលោក គង់ លី៖ ០១២ ៩៧១ ៨១១។

២-មណ្ឌលក្រុងប៉ោយប៉ែត មណ្ឌលនេះសម្រាប់ក្រុមនៅខេត្តបន្ទាយមានជ័យ។ ទាក់ទងលោក អឿន សំរឹទ្ធ៖ ០៦៩ ២៥៧ ៩៩៧/០៨៧ ៧៥០ ៦២៣។

៣-មណ្ឌលខេត្តកំពង់ស្ពឺ មណ្ឌលនេះក្រុមមកពីខេត្តតាកែវមានសិទ្ធិចូលរួមប្រកួត។ ទាក់ទងក ម៉ម កុសល៖ ០៩៨ ៨៧៧ ៤៩៦។

៤-មណ្ឌលខេត្តព្រះសីហនុ មណ្ឌលនេះក្រុមមកពីខេត្តកំពត កែប និងកោះកុងមានសិទ្ធិចូលរួមប្រកួត។ ទាក់ទងលោក លោក ឈី ឈន៖ ០១៥ ៣៥៧ ៥៩៦។

៥-មណ្ឌលខេត្តកំពង់ចាម មណ្ឌលនេះក្រុមមកពីខេត្តស្ទឹងត្រែង រតនគីរី មណ្ឌលគីរី ក្រចេះ ព្រៃវែង និងស្វាយរៀងមានសិទ្ធិចូលរួមប្រកួត។ ទាក់ទងលោក ព្រលឹង សុគុណា៖ ០៧០ ៣៩៣ ៩៦១។

៦-មណ្ឌលខេត្តបាត់ដំបង មណ្ឌលនេះក្រុមមកពីខេត្តពោធិ៍សាត់ កំពង់ឆ្នាំង និងប៉ៃលិន មានសិទ្ធិចូលរួមប្រកួត។ ទាក់ទងលោក ព្រំ ចិត្ត៖ ០១០ ៩២២ ០៩៣ និងលោក ជឿន សូភី៖ ០១៦ ៤២៣ ២១៨។ ៧-មណ្ឌលខេត្តសៀមរាប មណ្ឌលនេះក្រុមមកពីខេត្តឧត្តរមានជ័យ ព្រះវិហារ និងកំពង់ធំមានសិទ្ធិចូលរួមប្រកួត។ ទាក់ទងលោក ជុំ ប៊ុនតាវ៖ ០៩៧ ៩៧៨ ១១៦៦/០១២ ៦២១ ៨១៨។

៨-មណ្ឌលភ្នំពេញ មណ្ឌលនេះសម្រាប់នៅរាជធានីភ្នំពេញ។ ទាក់ទងលោក គល់ ភារម្យ៖ ០១២ ៤៥៥ ៨៤៨ ឬលោក ម៉ៃ មូលីន ទូរសព្ទ ០៩៧ ៦៦៣៧ ៨៨៧។