ភ្នំពេញ៖ ម៉ាកយីហោលំដាប់ពិភពលោក GESSI, Artemide, EFFE និង Icoolsport បានជួបជុំគ្នានៅរាជធានីភ្នំពេញ សម្រាប់រាត្រីដ៏អស្ចារ្យមួយដែលបានកំណត់និយមន័យថ្មីនៃភាពស៊ីវិល័យទាន់សម័យ និងសុខភាពបែបសមាហរណកម្ម។

នារាត្រីថ្ងៃសុក្រ ទី១១ ខែកញ្ញា ឆ្នាំ ២០២៦ អ្នកជំនាញផ្នែករចនា និងបុគ្គលល្បីៗក្នុងសង្គម បានជួបជុំគ្នានៅអគារ T-One ដ៏ល្បីល្បាញ សម្រាប់ព្រឹត្តិការណ៍ដ៏គួរឱ្យរង់ចាំបំផុតប្រចាំរដូវកាលនេះ។ ដើម្បីអបអរសាទរខែសុខុមាលភាពពិភពលោក (World Wellness Month) វិចិត្រសាល T-One Gallery បានរៀបចំកម្មវិធី "Elementi - The Architecture of Wellbeing" ដែលជាការជួបជុំដ៏ស៊ីវិល័យ បំប្លែងទីតាំងរចនាម៉ូដដ៏ប្រណីតនេះ ទៅជាដំណើរនៃអារម្មណ៍ដ៏ស៊ីជម្រៅមួយ។

កម្មវិធីនេះត្រូវបានរៀបចំឡើងយ៉ាងពិសេសសម្រាប់ភ្ញៀវកិត្តិយស រួមមានអ្នករចនាផ្ទៃខាងក្នុងឈានមុខគេនៅកម្ពុជា ស្ថាបត្យករ អ្នកអភិវឌ្ឍន៍អចលនទ្រព្យ ថ្នាក់ដឹកនាំសណ្ឋាគារប្រណីត អតិថិជន VIP និងអ្នកជំនាញល្បីៗផ្នែកសុខុមាលភាព ដែលរាត្រីនេះគឺជាការបង្ហាញយ៉ាងច្បាស់អំពីរបៀបដែលការរចនាលំដាប់ខ្ពស់អាចលើកកម្ពស់ការរស់នៅប្រចាំថ្ងៃ។ ដោយទាញយកការបំផុសគំនិតពីធាតុបុរាណទាំងបួនគឺ ទឹក ខ្យល់ ភ្លើង និង ដី កម្មវិធីនេះបានបម្រើជាការតាំងបង្ហាញជាផ្លូវការនៅកម្ពុជា សម្រាប់ម៉ាកយីហោពិភពលោកចំនួនបួន ដែលបច្ចុប្បន្នអតិថិជនអាចរកជាវបាននៅ T-One Gallery។

ជាជាងការតាំងបង្ហាញបែបប្រពៃណី "Elementi" បានអញ្ជើញភ្ញៀវចូលទៅក្នុងកន្លែងដែលត្រូវបានរចនាឡើងយ៉ាងយកចិត្តទុកដាក់ ដើម្បីរំលេចពីស្នាដៃដ៏វិចិត្រ និងមុខងារប្រើប្រាស់លំដាប់ខ្ពស់របស់ម៉ាកយីហោនីមួយៗ៖

• GESSI (ទឹក/Water): ផ្តោតលើថាមពលនៃទឹក ម៉ាកយីហោដ៏ល្បីពីប្រទេសអ៊ីតាលីនេះ បានបង្ហាញពីបរិក្ខារស្ថាបត្យកម្មដែលប្រែក្លាយបន្ទប់ទឹកធម្មតា ទៅជាកន្លែងសម្រាកលំហែផ្ទាល់ខ្លួន ដោយរួមបញ្ចូលភាពទាន់សម័យជាមួយនឹងមុខងារប្រើប្រាស់យ៉ាងរលូន។

• Artemide (ខ្យល់/Air): តំណាងឱ្យភាពស្រស់ស្អាតនៃខ្យល់ និងលំហ Artemide បានទាក់ទាញភ្ញៀវជាមួយនឹងប្រព័ន្ធភ្លើងបំភ្លឺស្ថាបត្យកម្មដ៏លេចធ្លោ។ ម៉ាកយីហោនេះបានគូសបញ្ជាក់ពីទំនាក់ទំនងយ៉ាងសំខាន់រវាងប្រព័ន្ធភ្លើងដែលផ្តោតលើមនុស្ស និងសុខភាពប្រចាំថ្ងៃ ដែលជួយលើកកម្ពស់ចង្វាក់ផ្លូវចិត្ត និងភាពបរិសុទ្ធនៃលំហ។

• EFFE (ភ្លើង/Fire): បំពេញបន្ថែមសិល្បៈនៃការព្យាបាលដោយកម្ដៅពីបុរាណ EFFE បានណែនាំប្រព័ន្ធកម្ដៅសុខុមាលភាពកម្រិតខ្ពស់។ បន្ទប់សូណា (saunas) និង hammams របស់ម៉ាកយីហោនេះ រួមបញ្ចូលសោភ័ណភាពកញ្ចក់សហសម័យ ជាមួយនឹងអត្ថប្រយោជន៍នៃការស្តារសុខភាពឡើងវិញយ៉ាងស៊ីជម្រៅ។

• Icoolsport (ដី/Earth): ផ្តោតលើការស្តាររាងកាយ Icoolsport បានបង្ហាញបច្ចេកវិទ្យាត្រាំទឹកកក (ice bath) លំដាប់ខ្ពស់របស់ខ្លួន។ ក្នុងនាមជាអ្នកដឹកនាំក្នុងវិស័យសុខុមាលភាពពិភពលោក ម៉ាកនេះបានផ្សារភ្ជាប់យ៉ាងល្អឥតខ្ចោះរវាងការស្តារកាយសម្បទាអត្តពលិកអាជីព និងការរស់នៅឯកជនបែបអភិជន។

ក្រៅពីការទស្សនាផលិតផលដ៏ទាក់ទាញ ភ្ញៀវកិត្តិយសក៏បានរីករាយជាមួយនឹងបរិយាកាសដ៏អស្ចារ្យសម្រាប់ការកសាងបណ្ដាញទំនាក់ទំនងកម្រិតខ្ពស់ អមដោយការកម្សាន្តផ្ទាល់។ ខ្លឹមសារនៃធាតុទាំងបួន ត្រូវបានបញ្ចូលទៅក្នុងរាល់សេវាកម្មបដិសណ្ឋារកិច្ច ដោយភ្ញៀវត្រូវបានទទួលស្វាគមន៍ដោយអាហារសម្រន់ (canapés) ប្រកបដោយសិល្បៈ និងស្រាក្រឡុក (cocktails) ដែលច្នៃប្រឌិតឡើងតាមទម្រង់ ដី ខ្យល់ ភ្លើង និងទឹក។

តាមរយៈការនាំយក GESSI, Artemide, EFFE, និង Icoolsport មកជួបជុំគ្នាក្រោមដំបូលតែមួយ T-One Gallery បានពង្រឹងកេរ្តិ៍ឈ្មោះរបស់ខ្លួនជាថ្មីម្តងទៀត ជាគោលដៅឈានមុខគេនៅភ្នំពេញ សម្រាប់ម៉ាកគ្រឿងសង្ហារិមអន្តរជាតិ និងរបៀបរស់នៅស៊ីវិល័យ។ សម្រាប់ម្ចាស់គេហដ្ឋានដែលមានទ្រព្យសម្បត្តិ អ្នកអភិវឌ្ឍន៍ដែលមានចក្ខុវិស័យ និងប្រតិបត្តិករសណ្ឋាគារកំពូលៗនៅកម្ពុជា កម្មវិធី "Elementi" បានបង្ហាញយ៉ាងច្បាស់ថា ភាពប្រណីតពិតប្រាកដនាពេលបច្ចុប្បន្ន មិនត្រឹមតែផ្តោតលើសោភ័ណភាពនោះទេ ប៉ុន្តែវាផ្តោតលើការលើកកម្ពស់សុខុមាលភាពរបស់អ្នករស់នៅផ្ទាល់តែម្ដង។

អំពី T-One Gallery:

មានទីតាំងនៅចំកណ្តាលរាជធានីភ្នំពេញ T-One Gallery គឺជាគោលដៅដ៏ល្អឥតខ្ចោះសម្រាប់ការរចនាតាមតម្រូវការ សោភ័ណភាពរបៀបរស់នៅដ៏ប្រណីត និងជាបណ្ដុំម៉ាកគ្រឿងសង្ហារិមអន្តរជាតិ។ ដើម្បីស្វែងយល់បន្ថែមពីការប្រមូលផ្ដុំផលិតផលសុខុមាលភាព ឬដើម្បីធ្វើការណាត់ជួបជាលក្ខណៈឯកជន អតិថិជន អ្នកគ្រប់គ្រងសណ្ឋាគារ និងអ្នករចនា អាចអញ្ជើញទៅកាន់វិចិត្រសាល T-One Gallery នៅអគារ T-One ឬតាមដានតាមរយៈបណ្ដាញសង្គម Facebook និង Instagram៖ @t_one_gallery ។

ទំនាក់ទំនងសម្រាប់អ្នកសារព័ត៌មាន៖

លោក Jayson Dela Paz / Senior Marketing Manager

ទូរស័ព្ទ៖ +855 093 834 777