ស្ទីលអបអរគ្រាប់បាល់របស់ Messi នៅ Bernabéu ម្សិលមិញមានអត្ថន័យដូចម្ដេច?

2017-12-24 07:04:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងចំណោម៣គ្រាប់របស់ Barcelona យកឈ្នះ Real Madrid ម្សិលមិញ Lionel Messi ក៏រកមួយគ្រាប់ដែល ដោយជាការទាត់បាល់ពិន័យ១១ម៉ែត្រ បន្ទាប់ពី Dani Carvajal យកដៃប៉ះបាល់នៅតំបន់គ្រោះថ្នាក់។

ក្រោយពីស៊ុតរកគ្រាប់បាល់ទី២៥នៅជំនួប El Clasico កីឡាករអាហ្សង់ទីនបានរកអបអរគ្រាប់បាល់ ជាពិសេសបានសម្ដែងកាយវិការយកដៃទាំងពីរថើបមាត់ រួចឱនទៅក្រោយ បន្ទាប់មកបោះដៃទាំងពីរឡើងលើនៅចំពោះមុខអ្នកគាំទ្រ Real Madrid រាប់ម៉ឺននាក់។

សម្រាប់កាយវិការបែបនេះបើតាមការបកស្រាយរបស់កាសែតអេស្ប៉ាញ Marca មានន័យ៖ "ស្វាគមន៍ខ្ញុំត្រលប់មកសាជាថ្មីហើយ"។ កាលប្រកួត Clasico កាលពីរដូវកាលមុនជើងទី២ La Liga, Messi បានធ្វើឲ្យសារព័ត៌មាននិងអ្នកគាំទ្រចាប់អារម្មណ៍ម្ដងរួចមកហើយ បន្ទាប់ពីស៊ុតគ្រាប់បាល់ជ័យជម្នះ ៣-២ លើ Madrid ដោយបង្ហាញស្ទីលអបអរដោះអាវបង្ហាញទៅអ្នកគាំទ្រ Madrid។

នោះគឺជាគ្រាប់ទី៥០០ក្នុងអាជីពរបស់គេ ចំពោះការអបអរលើកអាវត្រូវបានសារព័ត៌មានអង់គ្លេស The Sun បកស្រាយថាម្ចាស់ជើងឯក Ballon d'Or ៥សម័យកាលចង់បង្ហាញប្រាប់ថាខ្លួនគឺជាកីឡាករល្អផ្ដាច់គេគ្រប់ពេលវេលា ឬគ្រប់សម័យកាល "The greatest footballer of all time”៕