ភ្ញាក់ផ្អើល! គម្រោងក្រេបទឹកឃ្មុំរបស់ Pok និង Margie ធំធេងដល់ម្ល៉ឹង

2017-12-25 01:57:22
ចំនួនមតិ 0 | ចំនួនចែករំលែក 0

ចន្លោះមិនឃើញ

អាពាហ៍ពិពាហ៍ដ៏សែនមានន័យក្នុងជីវិតមិនអាចបំភ្លេចបានរបស់គូស្នេហ៍ Margie និង Pok បានប្រព្រឹត្តិទៅយ៉ាងឱឡារិកក្រោមសម្រែកសាទរយ៉ាងកងរំពងពីមិត្តភ័ក្ដិ និងសាច់ញាតិទាំងអស់ នៅមជ្ឈមណ្ឌលពាណិជ្ជកម្ម Centara Grand និង Bangkok Convention Centre។

ថ្ងៃទី ២៤ ខែធ្នូ ឆ្នាំ ២០១៧ ជាថ្ងៃដ៏មានអត្ថន័យក្នុងជីវិតរបស់អ្នកជំនួញវ័យក្មេង Pok និងភរិយាតារាសម្ដែងដ៏ល្បីរបស់ប្រទេសថៃ Margie។ ក្នុងឱកាសពិសេសនោះដែរ គូស្នេហ៍ទាំង ២ក៏បានបើកសន្និសីទកាសែតមួយ ដើម្បីប្រកាសពីស្នេហា ក៏ដូចជាគម្រោងក្រោយរៀបការរបស់ខ្លួន។

ប្ដីប្រពន្ធថ្មីថ្មោងគូនេះ បាននិយាយថា ខ្លួននឹងទៅក្រេបទឹកឃ្មុំនៅប្រទេសដល់ទៅ ៣គឺ អៀរឡង់ បារាំង អ៊ីតាលីក្នុងខែ មករា ឆ្នាំ ២០១៨។ ក្នុងដំណើរកម្សាន្តនោះមិនមែនមានតែពួកគេទេ ពោលគូស្នេហ៍ Mark និង Kim ក៏ចូលរួមដែរ។

មួយវិញទៀត ចំពោះរឿងផ្ទះសម្បែង Pok និង Margie បានគិតគូររួចជាស្រេច ប៉ុន្តែគ្រាន់តែ ផ្ទះថ្មីរបស់ពួកគេមិនទាន់សាងសង់រួចរាល់ ដោយពួកគេត្រូវរង់ចាំរហូតដល់ទៅ ២-៣ឆ្នាំទៀតឯណោះ។ ដូចនេះក្រោយរៀបការហើយភ្លាមៗ ពួកគេសម្រេចរស់នៅក្នុងខនដូសិន។

និយាយពីចំណងស្នេហ៍វិញ ពួកគេក៏បានបើកចំហដែរ ដោយប្ដីប្រពន្ធនេះបាននិយាយថា ដំបូងពួកគេត្រឹមជាមិត្តធម្មតា ជាដៃគូប្រឹក្សាយោបល់ប៉ុណ្ណោះ។ ប៉ុន្តែអ្វីដែលសំខាន់ អ្នកទាំង ២តែងគោរពគ្នា និងមើលថែគ្នាជានិច្ច ទោះមានរឿងអ្វីក៏ពួកគេមិនដែលភ្លេចគ្នាដែរ។