Leeteuk សរសេរសារក្រៀមក្រំ១ជូន Jonghyun និងនិយាយពីជំងឺផ្លូវចិត្តធ្ងន់ធ្ងរ
- 2017-12-25 04:00:00
- ចំនួនមតិ 0 | ចំនួនចែករំលែក 0
Leeteuk សរសេរសារក្រៀមក្រំ១ជូន Jonghyun និងនិយាយពីជំងឺផ្លូវចិត្តធ្ងន់ធ្ងរ
ចន្លោះមិនឃើញ
កាលពីថ្ងៃទី ២៤ ខែធ្នូ ឆ្នាំ២០១៧ មេក្រុម Super Junior តារាចម្រៀង Leeteuk បានសរសេរសារមួយយ៉ាងក្រៀមក្រំផ្ញើជូនតារាចម្រៀង Jonghyun ដែលទើបតែទទួលមរណភាពកាលពីថ្មីៗនេះ ហើយថែមទាំងបើកកកាយបទពិសោធន៍របស់លោកផ្ទាល់ក្នុងការតតាំងនឹងជំងឺផ្លូវចិត្តធ្ងន់ធ្ងរទៀតផង។
ក្នុងសំបុត្រនោះលោកបានសរសេរថា៖ "គ្មាននរណាម្នាក់អាចនិយាយបានថាពួកគេស្គាល់ពីអ្នកច្បាស់នោះទេ ហើយប្រាកដជាគ្មាននរណាតែងពួកគេចែករំលែកអ្វីៗគ្រប់យ៉ាងជាមួយអ្នក ដោយសារអ្នកជិតស្និទ្ធនឹងគ្នានោះដែរ។ ភាពឯកា ភាពខឹងសម្បា ពិបាកចិត្ត ខ្ញុំគិតថាខ្ញុំគួរតែគិតពីវាឲ្យបានច្រើនជាមុនសិន ប្រសិនបើអ្នកធ្វើការសម្រេចចិត្តចុងក្រោយ ព្រោះអ្នកគ្មានផ្លូវណាក្នុងការបង្ហាញវានោះទេ ហើយនឹងអ្វីដែលអ្នកចង់និយាយទៅកាន់មនុស្សដែលអ្នកបានចាកចោលទៅនោះ។ ចិត្តរបស់ខ្ញុំឈឺកាន់តែខ្លាំង នៅពេលដែលមានអារម្មណ៍ថាខ្ញុំប្រឹងឈោងណាស់ដែរ តែខ្ញុំឈោងមិនដល់ឲ្យនរណាម្នាក់ជួយទាញខ្ញុំចេញពីទីនេះបានទេ។ បន្ទុកនេះពិតជាធ្ងន់ខ្លាំងណាស់ក្នុងការតស៊ូជម្នះ ដោយសារអ្នកជាអ្នកសិល្បៈមួយរូប ហើយបើអ្នកចង់បោះបង់អ្វីមួយចោលនោះ អ្នកត្រូវឆ្លងកាត់ផ្លូវដ៏វែងឆ្ងាយ ហើយនេះពិតជាធ្វើឲ្យខ្ញុំឈឺកាន់តែខ្លាំងលើសមុនទៅទៀត។ នៅមួយថ្ងៃមុនពេលខ្ញុំជូនដំណើរអ្នក (Jonghyun) ជាលើកចុងក្រោយនោះ រូបរាងកាយអ្នកបានមកពន្យល់សប្ដិខ្ញុំថា ខ្ញុំត្រូវតែរស់នៅឲ្យមានភាពសប្បាយរីករាយ ខណៈពេលដែលអ្នកញញឹមយ៉ាងស្រស់មកខ្ញុំ រូបភាពទាំងនោះហាក់ដូចជាទិដ្ឋភាពពិតៗនៅពីមុខភ្នែកខ្ញុំនៅឡើយ។ គ្រប់គ្នាតែងតែប្រឈមនឹងភាពលំបាក និងភាពឈឺចាប់ ប៉ុន្តែចំពោះអ្នកទាំងឡាយដែលមិនអាចថ្លឹងថ្លែងអារម្មណ៍ផ្លូវចិត្តរបស់ពួកគេក្នុងស្ថានភាពទាំងនោះបាន វាពិតជាលំបាកក្នុងការទ្រាំទ្រខ្លាំងណាស់។ ខ្ញុំក៏ដូចគ្នាដែរ ខ្ញុំធ្លាប់ឆ្លងកាត់នូវជំងឺផ្លូវចិត្តនេះពីមុនមក ហើយខ្ញុំតែងតែគិតចំពោះខ្លួនឯងគ្រប់ពេលថាវាប្រហែលជាប្រសើរបើសិនជាខ្ញុំស្លាប់ជាជាងរស់នៅលើលោកនេះ ហើយចាំតែដកដង្ហើមដោយលំបាកគ្រប់ពេលនោះ។ នៅក្នុងជួរទាហាន ពួកគេប្រហែលជាគិតថាខ្ញុំគ្រាន់តែសម្ដែងនោះទេ ហើយការគិតទាំងនោះហើយបានធ្វើឲ្យខ្ញុំកាន់តែពិបាកឡើងៗស្ទើរតែពេញមួយឆ្នាំ។ ព្រោះតែខ្ញុំធ្លាប់ឆ្លងកាត់បទពិសោធទាំងនេះ វាប្រហែលជាអាចប្រសើរជាងបន្តិច ប្រសិនបើមានវិធីតូចតាចណាមួយដើម្បីដោះស្រាយនោះ វាអាចដែរ ព្រោះជារដូវកាលគ្រិស្តម៉ាស ប៉ុន្តែអារម្មណ៍របស់ខ្ញុំនៅតែគិតពីអភូតហេតុនៅក្នុងថ្ងៃនេះ។ ខ្ញុំមានអារម្មណ៍ថាវាពិតជាសំខាន់ណាស់ក្នុងការរស់នៅជីវិតឲ្យមានភាពសប្បាយរីករាយជាងនេះចាប់ពីពេលនេះទៅ។ ខ្ញុំសង្ឃឹមថាគ្រប់គ្នានឹងចំណាយពេលវេលារាល់ថ្ងៃនេះជាពេលវេលាដ៏ពិសេសដូចជាថ្ងៃ គ្រិស្តម៉ាស អ៊ីចឹងដែរ"។
សាររបស់ មេក្រុម Super Junior រូបនេះ បានអង្រួនចិត្តមហាជនជាច្រើន ហើយវាក៏ចាក់ដោតអារម្មណ៍អ្នកគាំទ្ររបស់ Jonghyun ដែលនៅស្លុតចិត្តមិនទាន់បាត់ ចំពោះមរណភាពរបស់តារាសំណព្វចិត្តរបស់ខ្លួនដែរ៕