អតីតបុគ្គលិក CIA លោក Edward Snowden ផលិត app មួយជួយការពារចោរកម្ម
- 2017-12-25 12:37:33
- ចំនួនមតិ 0 | ចំនួនចែករំលែក 0
អតីតបុគ្គលិក CIA លោក Edward Snowden ផលិត app មួយជួយការពារចោរកម្ម
ចន្លោះមិនឃើញ
អតីតអ្នកជំនាញប្រព័ន្ធកុំព្យូទ័ររបស់ទីភ្នាក់ងារអាមេរិក CIA លោក Edward Snowden ដែលបានទម្លាយកម្មវិធីតាមដានឃ្លាំមើលរបស់រដ្ឋាភិបាលអាមេរិកកាលពីឆ្នាំ ២០១៣ ឥឡូវមានការងារថ្មីធ្វើហើយគឺជាអ្នកផលិតកម្មវិធីក្រោយការបង្កើតកម្មវិធីទូរសព្ទ Haven ។
ក្នុងវិឌីអូមួយដែលបង្ហាញកាលពីថ្ងៃសុក្រ Snowden បានណែនាំពី Haven ក្នុងគោលបំណងដើម្បីការពារឡេបថបពីការយាយីផ្សេងៗ ។ Snowden វ័យ ៣៤ ឆ្នាំដែលបច្ចុប្បន្នរស់នៅក្នុងប្រទេសរុស្ស៊ីតាំងពីឆ្នាំ ២០១៣ ក្នុងលក្ខខ័ណ្ឌសុំសិទ្ធិជ្រោកកោនបណ្តោះអាសន្នក្រោយរត់គេចពីការតាមចាប់ខ្លួនរបស់អាមេរិកនិយាយថា កម្មវិធី Haven បង្កើតឡើងសម្រាប់សកម្មជនសិទ្ធិមនុស្ស និងបុគ្គលផ្សេងទៀតដែលជួបហានីភ័យ ។ វាប្រើសេនស័ររបស់ទូរសព្ទដំណើរការប្រព័ន្ធ Android ដើម្បីរកមើលនូវអ្វីដែលប្លែកៗក្នុងបន្ទប់ ។ សហ្វវែនេះត្រូវអភិវឌ្ឍដោយ Snowden រួមជាមួយនឹងមូលនិធិ Freedom of Press Foundation និងគម្រោង Guardian Project ។
យ៉ាងណាមិញ app មួយនេះត្រូវបានស្វាគមន៍ដោយមតិប្រតិកម្មមួយចំនួនពីបណ្តាញសង្គមដែលពួកគេនិយាយថា កុំជឿទុកចិត្ត Snowden ឱ្យសោះ ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
