ធ្លាប់តែឮ Silicon Valley តើពាក្យនេះមានអត្ថន័យ និងចំណុចពិសេសយ៉ាងណាខ្លះ?

2017-12-27 02:18:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ជុំវិញអ្នកបំពេញការងារក្នុងវិស័យបច្ចេកវិទ្យានិងការចាប់ផ្ដើមជំនួញ រមែងលឺពាក្យ Silicon Valley ជាញឹកញយ។ មានតិចគ្នាណាស់ដែលយល់ពីវា លើកលែងតែមនុស្សរស់នៅក្នុងតំបន់នោះ ទើបដឹងច្បាស់ពីរឿងរ៉ាវដើមកំណើតយ៉ាងពិតប្រាកដ។

+Silicon Valley ជាអ្វី?

ជាឈ្មោះតំបន់ដែលស្ថិតនៅផ្នែកខាងត្បូងនៃ San Francisco Bay Area ចន្លោះភាគខាងជើងនៃរដ្ឋ California សហរដ្ឋអាមេរិក។ ក្នុងតំបន់នេះប្រមូលផ្ដុំទៅដោយទីស្នាក់ការនៃក្រុមហ៊ុនបច្ចេកវិទ្យាធន់ខ្ពស់ ដែលមាន ៣៩ អាជីវកម្មស្ថិតក្នុងបញ្ជី Fortune ទាំង ១០០០ និងមានបណ្ដាក្រុមហ៊ុនធ្វើជំនួញ (Startup) រាប់ពានកន្លែង។

រូបតំណាងទីស្នាក់ការ Google នៅតំបន់ Silicon Valley

សូម្បីតែក្រុមហ៊ុន *Apple, Cisco, Google, HP, Intel និង Oracle* ជាដើម សុទ្ធសឹងតែឈរជើងក្នុងតំបន់ Silicon Valley។ ទន្ទឹមនឹងការអភិវឌ្ឍផ្នែកបច្ចេកវិទ្យាកម្រិតខ្ពស់ចាប់តាំងពីសតវត្សទី ២០ តំបន់ពិសេសមួយនេះបានក្ដោបក្ដាប់ទីផ្សារវិនិយោគ ១ ភាគ ៣ នៃផ្ទៃប្រទេសអាមេរិកទាំងមូល។

+ដើមកំណើតនៃ Silicon Valley:

ឈ្មោះ Silicon Valley បង្កើតឡើងដំបូងបង្អស់ដោយលោក Don Hoefler ដែលគាត់បានប្រើចុះផ្សាយលើចំណងជើងនៃទំព័រកាសែតប្រចាំសប្ដាហ៍របស់ Eletronics News ដោយដាក់ថា "Silicon Valley in the USA” ហើយបានចុះផ្សាយនាថ្ងៃទី ១១ មករាឆ្នាំ ១៩៧១។ បន្ទាប់មកពាក្យនេះ បានរាលដាលយ៉ាងខ្លាំងនៅដើមសតវត្សឆ្នាំ ១៩៨០ ដោយមានការចូលរួមពីក្រុមហ៊ុន IBM PC ទាក់ទងនឹងប្រព័ន្ធ Hardware/Software នៃការចែកចាយផលិតផលលើទីផ្សារ។

រូបតំណាងឈីបស៊ីលីកូន

ទៀតសោត Silicon ផ្ដើមមកពីឧស្សាហកម្មផលិតបន្ទះឈីបស៊ីលីកូន ដោយគេប្រើប្រាស់ក្នុងចង្វាក់ផលិតកម្ម Semiconductor ក្នុងការបំពាក់លើកុំព្យូទ័រ, វិទ្យុ និងឧបករណ៍ប្រើប្រាស់យោធា នាសម័យកាលនោះ។ តរៀងមកទើបបង្កើតជាតំបន់ Silicon Valey ក្រោយការចូលរួមយ៉ាងសស្រាក់សស្រាំពីបណ្ដាអ្នកស្រាវជ្រាវ STEM ដែលមានមូលដ្ឋាននៅតាមសកលវិទ្យាល័យ បន្សំនឹងការដឹកនាំដ៏សំខាន់ពីសកលវិទ្យាល័យ Stanford ម្ល៉ោះទើបមានការអភិវឌ្ឍទទួលបានជោគជ័យទល់សព្វថ្ងៃ។

ប្រភព: https://archive.icann.org/en/meetings/siliconvalley2011/about.html