ព្រះខ័នរាជ ទម្លាយមូលហេតុអាចឈ្នះ Hun Sen Cup ច្រើនជាងគេ

2017-12-28 02:22:48
ចំនួនមតិ 0 | ចំនួនចែករំលែក 0

ចន្លោះមិនឃើញ

បើគិតមកដល់ពេលនេះក្រុមព្រះខ័នរាជស្វាយរៀងឈ្នះបានឈ្នះពាន Hun Sen Cup បានចំនួន ៤លើកហើយ គិតទាំងឆ្នាំនេះដែលទើបផ្ដួល ណាហ្គាវើល ៣-០ កាលពីម្សិលមិញនេះនៅពហុកីឡដ្ឋានជាតិ។

ទាក់ទងចំណុចនេះលោក សំ វ៉ាន់ដេត គ្រូបង្វឹករបស់ព្រះខ័នរាជស្វាយរៀងបានឲ្យដឹងថា មកពីក្លឹបរបស់លោកមានធនធានយុវជនច្រើន ពិសេសគ្រប់ជំនាន់ក្លឹបរបស់លោកតែងផ្ដល់ឲ្យកាសឲ្យកីឡាករក្មេងៗបានលេងលើទីលានជាមួយរៀមច្បងរបស់ពួកគេ។ មួយទៀតគឺមកពីប្រធានក្លឹបរបស់ស្វាយរៀងឯកឧត្ដម ឌី វិជ្ជា ស្រលាញ់យុវជន និងមានការថែទាំពួកគេបានល្អ។

សម្រាប់ភាពជោគជ័យឆ្នាំនេះរបស់ព្រះខ័នរាជ គឺបាននាំយកយុវជនចំនួន ៣ រូបមកជួយក្រុម ហើយក្នុងនោះមាន ២ នាក់ប៉ុណ្ណោះ ដែលអាចលេងបានយ៉ាងល្អក្នុងការប្រកួតធំៗ។ ដោយឡែកនាផែនការបន្ទាប់ឆ្នាំក្រោយក្លឹបរបស់លោកគ្រោងនាំយកយុវជន ៥ រូបមកបន្ថែមទៀត ដើម្បីជាគោលដៅប្រជែងពានសម្ដេចនាឆ្នាំក្រោយ។

លោក សំ វ៉ាន់ដេត

បើគិតត្រឹមឆ្នាំនេះជាលើកទី១១ ហើយនៃការបង្កើតពាន Hun Sen Cup ក្នុងនោះ ព្រះខ័នរាជស្វាយរៀងឈ្នះបាន ៤ លើក ភ្នំពេញក្រោនឈ្នះបាន ២ លើកក្រសួងការពារជាតិឈ្នះបាន ២ លើកណាហ្គាឈ្នះបាន១លើក ប៉ូលិស ឈ្នះបាន១លើក និងខេមរាកីឡា ឈ្នះបាន១លើកផងដែរ៕