រូបថតមួយសន្លឹក បានបង្កើតការសង្ស័យថា លោកស្រី យីងឡាក់ កំពុងនៅអង់គ្លេស

2017-12-30 04:25:24
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតមួយសន្លឹងបានបង្ហាញពីស្រ្តីម្នាក់ដែលទំនងជាអតីតនាយករដ្ឋមន្ត្រីថៃ ដែលបច្ចុប្បន្នគេពុំទាន់ដឹងច្បាស់ថាលោកស្រីកំពុងប្រទេសណាឲ្យប្រាកដ។ ស្រ្តីម្នាក់នោះត្រូវគេសង្ស័យថាជាលោកស្រី យីងឡាក់ ដែលកំពុងដើរទិញឥវ៉ាន់នៅក្នុងផ្សារទំនើបមួយក្នុងទីក្រុងឡុងដ៍ ប្រទេសអង់គ្លេស។ នេះបើតាមការចុះផ្សាយរបស់កាសែតបាងកកប៉ុស្តិ៍នៅថ្ងៃនេះ។

(ស្រ្តីម្នាក់ កំពុងដើរក្នុងផ្សារទំនើបមួយនៅក្នុងទីក្រុងឡុងដ៍ ដែលគេសង្ស័យថាជាលោកស្រី អតីតនាយករដ្ឋមន្ត្រីថៃ យីងឡាក់)

លោកស្រី យីងឡាក់ បានភៀសខ្លួនពីប្រទេសតាំងពីខែសីហា ឆ្នាំ២០១៧ ដោយគេជឿងថាលោកស្រី បានភៀសខ្លួនទៅកាន់ទីក្រុងឌូបៃ ប្រទេសអារ៉ាប់រួម ដែលមានបងប្រុសរបស់លោកស្រី គឺលោក ថាក់ស៊ីន នៅទីនោះ។

ទាក់ទងនឹងបែកធ្លាយរូបភាពនេះ ក្រុមប្រឹក្សាសន្តិសុខ និងសណ្តាប់ធ្នាប់ជាតិថៃ កំពុងតែស៊ើមអង្កេតថាតើរូបស្រ្តីម្នាក់នេះជាលោកស្រី យីងឡាក់ ឬយ៉ាងណា។

រូបភាពស្រ្តីម្នាក់ ដែលគេសង្ស័យថាជាលោកស្រី យីងឡាក់ នេះត្រូវបានផ្សព្វផ្សាយកាលពិម្សិលមិញដោយទូរទស្សន៍អនឡាញមួយ។ តែបើតាមការចុះផ្សាយនេះ រូបស្រ្តីម្នាក់នេះទំនងជាបានដើរទិញឥវ៉ាន់តាំងពីថ្ងៃអង្គារ នៅក្នុងWestfield Shopping Centre, Shepherd's Bush, ដែលជាផ្សារទំនើបធំជាងគេនៅទីក្រុងឡុងដ៍។

ចំណែកអ្នកនាំពាក្យក្រសួងការបរទេសថៃ លោក Busadee Santipitaks ថាក្រសួងមិនទាន់ដឹងពីរឿងនេះនៅឡើយទេ៕

ប្រភព៖ Bangkokpost ប្រែសម្រួល៖ ទូច សុខា