Samsung ឆ្លើយតបភ្លាមៗរឿងបញ្ហាថ្មលើ Galaxy Note8 និង S8+
- 2018-01-01 03:16:47
- ចំនួនមតិ 0 | ចំនួនចែករំលែក 0
Samsung ឆ្លើយតបភ្លាមៗរឿងបញ្ហាថ្មលើ Galaxy Note8 និង S8+
ចន្លោះមិនឃើញ
កាលពីសប្ដាហ៍កន្លងទៅ មានការរាយការណ៍ថា Galaxy Note 8 និង Galaxy S8+ មួយចំនួនតូចប្រើការលែងកើតតទៀត ក្រោយពីថ្មស្រកចុះដល់ ០%។ មានន័យថាពេលដែលទូរសព្ទរលត់ គេមិនអាចសង្គ្រោះវាឲ្យបើកបានឡើងវិញនោះទេ ទោះប្រើវិធីសាស្ត្រណាក៏ដោយ។
ទាក់ទងនឹងបញ្ហានេះ Samsung ក៏បានចេញសេចក្ដីថ្លែងការណ៍ឆ្លើយតបភ្លាមៗដោយបាននិយាយថា មានការរាយការណ៍ពីបញ្ហានេះតិចតួចបំផុត។ ក្នុងសេចក្ដីថ្លែងការណ៍មានអត្ថន័យថា ៖ "ពិតណាស់ ក្រុមហ៊ុន Samsung ទទួលយកការរាយការណ៍ពីបញ្ហានេះដោយម៉ឺងម៉ាត់បំផុត។ ពួកយើងដឹងឮបញ្ហានេះពីអតិថិជនក្នុងចំនួនតិចតួចបំផុត ដែលបញ្ហានេះអាចទាក់ទងនឹងការគ្រប់គ្រងលើការសាកល្បង។ ពួកយើងនឹងនិយាយពីបញ្ហានេះឲ្យបានច្បាស់បន្ថែមទៀត ពេលដែលយើងទទួលបានព័ត៌មានបន្ថែមពីទូរសព្ទដែលជួបបញ្ហានេះ”។
គួរបញ្ជាក់ថា អតិថិជនមួយចំនួនបានយកទូរសព្ទរបស់ពួកគេ ទៅឲ្យក្រុមហ៊ុនដោះស្រាយ ហើយពួកគេក៏ទទួលបានទូរសព្ទថ្មីផ្សេងជំនួសវិញ (សម្រាប់ស្មាតហ្វូនមានប័ណ្ណធានា) ផងដែរ។ ជាការណែនាំបណ្ដោះអាសន្ន ម្ចាស់ Note8 និង S8+ ទាំងឡាយ គួរកុំទុកឲ្យវារលត់ទាល់តែ ០%៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
