អត្ថប្រយោជន៍សំខាន់ៗ៧ទៀតនៃការរួមភេទ ដែលអ្នកមិនដឹង

2014-11-12 16:12:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើការរួមភេទត្រូវតាមក្បួន នឹងជួយមនុស្ស គេងលក់ស្រួល មានអារម្មណ៍ស្រស់ថ្លា កាត់បន្ថយជំងឺក្រពេញប្រូស្តាត គាំងបេះដូង និង ជំងឺផ្សេងៗទៀត។ បន្ថែមលើនេះ ការរួមមេត្រី ក៏អាចជួយព្យាបាលជំងឺ និង អាការៈមួយចំនួនទៀតផងដែរ ហើយពេលនេះ Sabay សូមលើកមកបង្ហាញជូន ៧ ចំណុចទៀត។ ១. បំបាត់អាការៈឈឺក្បាល

យោងតាមការសិក្សារាយការណ៍ដោយ International Headache Society បានឱ្យដឹងថា ពាក់កណ្ដាល នៃអ្នកជំងឺ គឺមានការវិវឌ្ឍន៍ល្អលើអាការៈឈឺមួយចំហៀងក្បាល។ ក្នុងនោះមាន ២០ % អះអាងថា ជំងឺឈឺក្បាលរបស់ពួកគេ ព្យាបាលដោយការរួមភេទ។ ហេតុអ្វី? ព្រោះវាជួយបញ្ចុះអ័រម៉ូន Endorphin (ថ្នាំបំបាត់ការឈឺចាប់ពីធម្មជាតិរបស់ខួរក្បាល) ក្នុងពេលរួមភេទ។

២. បំបាត់ជំងឺផ្ដាសាយតូច និង ផ្ដាសាយធំ

ហេតុអ្វីសិចអាចព្យាបាលជំងឺផ្ដាសាយតូច-ធំ? ព្រោះសិចជួយផលិតអង់ទីគ័រ Immuunoglobulin A ឬ Lg A (អង់ទីគ័រប្រឆាំងមេរោគ) ដែលជួយឱ្យឆ្លងផុតពីការឆ្លងរោគ។ ជុំវិញករណីនេះ អ្នកវិទ្យាសាស្ត្រ នៃសាកលវិទ្យាល័យ Wilkes នៅសហរដ្ឋអាមេរិករកឃើញថា រួមភេទពីរ ឬ បីដងក្នុងមួយសប្ដាហ៍ ធ្វើឱ្យប្រព័ន្ធអ័រម៉ូនលូតលាស់ល្អ។ ទោះបីជាយ៉ាងណា គេនៅមិនច្បាស់ទេថា វាអាចជួយព្យាបាលជំងឺនេះបានទាំងស្រុងនោះ តែវាជាចំណុចចាប់ផ្ដើម។

៣. ធ្វើឱ្យសម្រស់ក្មេងជាងវ័យ

ក្នុងឆ្នាំ ២០១៣ វេជ្ជបណ្ឌិត David Weeks មកពីមន្ទីរពេទ្យ Royal Edinburgh បាននិយាយថា ការរួមភេទជួយបង្កើនអាយុ។ បុរសស្ត្រីសកម្មរឿងរួមភេទ គឺក្មេងជាងអាយុពិត ៥ ទៅ ៧ ឆ្នាំ។

៥. ធ្វើឱ្យខួរក្បាលមានតួនាទីល្អ

យោងតាមការស្រាវជ្រាវរបស់អ្នកជំនាញ នៃសាកលវិទ្យាល័យ Pavia ប្រទេសអ៊ីតាលី កាលពីឆ្នាំ ២០១៣ បង្ហាញថា ការរួមសង្វាសជួយឲ្យមនុស្សឆ្លាត តែមិនមានន័យថា ឆ្លាតណាស់ណាទេ គឺវា ជួយជំរុញឱ្យសរសៃខួរក្បាលលូតលាស់។

៦. ធ្វើឱ្យមនុស្សមានអាយុវែង

បុរសវ័យកណ្ដាល ដែលរួមភេទទៀងទាត់ (មិនបញ្ជាក់ចំនួនដង) រស់នៅបានអាយុវែង ២ ដង ជាងអ្នកមិនដែលមិនទៀងទាត់។ នេះបើតាមរបាយការណ៍ នៅសាកលវិទ្យាល័យ Queen's University Belfast ប្រទេសអៀរឡង់។

៧. ធ្វើឱ្យមនុស្សមានទំនុកចិត្ត

ចំណែកចំណុចធ្វើឱ្យមនុស្សមានទំនុកចិត្តនេះវិញ សាកលវិទ្យាល័យ Texas បានចងក្រងនូវហេតុផលមនុស្សចំនួន ២៣៧ នាក់ ដែលបានរួមរ័ក។ ទាំងបុរស និង ស្ត្រីជឿថា ការរួមភេទតាមចំនួនកំណត់ ជួយឱ្យមានទំនុកចិត្តលើខ្លួនឯង និង មានសុខុមាលភាព។

បើចង់ដឹងថា ការរួមភេទ មានប្រយោជន៍អ្វីច្រើនទៀតនោះ សូមចុចត្រង់នេះ..!

ប្រែសម្រួល៖ អ៊ុំ សុភក្ដិ ប្រភព៖ Therichest