បង្កប់កាមេរ៉ាក្នុងអាវ លួចថតរូបយ៉ាងសម្ងាត់ នៅអំឡុងឆ្នាំ១៨៩០ ឯលទ្ធផលពិតជាភ្ញាក់ផ្អើល

2018-01-04 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនម្នាក់មានឈ្មោះថា Carl Størmer (កើតនៅឆ្នាំ១៨៧២-ស្លាប់នៅឆ្នាំ១៩៥៧) បានរីករាយនឹងទម្លាប់ប្រចាំថ្ងៃមួយដែលចម្លែកខ្លាំងណាស់ នាសម័យនោះ។ នៅក្នុងអំឡុងឆ្នាំ១៨៩០ យុវជនរូបនេះតែងតែដើរជុំវិញទីក្រុង Oslo នៃប្រទេសន័រវែស ជាមួយនឹងកាមេរ៉ាសម្ងាត់របស់ខ្លួន និងបានលួចថតរូបមនុស្សជាប្រចាំថ្ងៃ។

Carl Størmer និងកាមេរ៉ាសម្ងាត់ ប្រភេទ C.P. Stirn Concealed Vest Spy Camera

រូបថតដែល Carl លួចថតបាន សុទ្ធតែបង្ហាញឲ្យឃើញពីស្ថានភាពរស់នៅ ហើយវាពិតជាខុសគ្នាខ្លាំងណាស់ពីនិន្នាការ នៃការថតរូបនៅក្នុងអំឡុងពេលនោះ។

Carl ទទួលបានកាមេរ៉ាសម្ងាត់ ប្រភេទ C.P. Stirn Concealed Vest Spy Camera នៅក្នុងឆ្នាំ១៨៩៣ នៅពេលដែលរូបគេកំពុងសិក្សាគណិតវិទ្យា នៅសកលវិទ្យាល័យ Royal Frederick University (បច្ចុប្បន្នប្ដូរឈ្មោះជា University of Oslo)។

«វាមានរូបរាងមូល និងសំប៉ែត ហើយត្រូវបានលាក់នៅក្រោមអាវកាក ខណៈភ្នែក (Len) របស់វាត្រូវដាក់ចេញមកក្រៅ តាមរយៈរន្ធឡេវ។ នៅក្រោមសំលៀកបំពាក់របស់ខ្ញុំ មានខ្សែមួយបង្ហូរចុះតាមរន្ធនៅក្នុងហោប៉ៅខោរបស់ខ្ញុំ ហើយនៅពេលខ្ញុំទាញខ្សែ កាមេរ៉ានឹងថតរូប»។ នេះបើតាមការឲ្យដឹងពី Carl។

គួរបញ្ជាក់ថា រូបថតដែល Carl ថតបាន មានចំនួនសរុបរហូតដល់ទៅ ៥០០សន្លឹកឯណោះ៕

ចង់ដឹងថា ការបង្កប់កាមេរ៉ាក្នុងអាវ ដើម្បីលួចថតរូបយ៉ាងសម្ងាត់នៅអំឡុងពេលនោះ ទទួលលទ្ធផលយ៉ាងណា ទៅទស្សនារូបថតខាងក្រោមទាំងអស់គ្នា៖