វីរបុរស Liverpool ម្នាក់ និយាយថា ក្លឹបគួរលក់ Coutinho
- 2018-01-03 13:09:29
- ចំនួនមតិ 0 | ចំនួនចែករំលែក 0
វីរបុរស Liverpool ម្នាក់ និយាយថា ក្លឹបគួរលក់ Coutinho
ចន្លោះមិនឃើញ
វីរបុរសក្លឹបហង្សក្រហម Jamie Carragher យល់ថា Liverpool គួរព្រមព្រៀងលក់កីឡាករ Philippe Coutinho ក្នុងតម្លៃមួយដ៏ថ្លៃ តែមិនមែនឲ្យខ្សែបម្រើប្រយុទ្ធចាកចេញពីក្លឹបឥឡូវនោះទេ។
អតីតខ្សែការពារ Carragher បានសរសេរក្នុងសារក្នុងគណនី Twitter របស់ខ្លួន ថា៖ "អ្វីដែលល្អបំផុតសម្រាប់ Liverpool នៅពេលនេះ គឺត្រូវព្រមព្រៀងឲ្យ Coutinho ចាកចេញក្នុងការផ្ទេរមួយដ៏ថ្លៃ ប៉ុន្តែមិនមែនឲ្យគេចេញនៅពេលឥឡូវទេ ពោលគឺចេញនាពេលរដូវកាលក្ដៅ ដូចដែលយើងធ្លាប់បានធ្វើក្នុងការទិញ Kieta អ៊ីចឹង"។
វីរបុរសក្លឹបហង្សក្រហមរូបនេះ បានសរសេរទៀតថា៖ "តើក្លឹប Liverpool ចំណេញអ្វី ពីការឲ្យ Coutinho ចាកចេញនាពេលនេះ? បើសិនជាលក់ក្នុងខែនេះ ក្លឹបនឹងមានភាពលំបាកក្នុងការរកកីឡាករថ្មីមកជំនួសគេ។ ណាមួយក្លឹបអាចនឹងប្រឈមនឹងការលំបាកក្នុងការប្រជែងយក Top 4 ក្នុងលីគ និងប្រជែងក្នុងការឡើងទៅវគ្គបន្ទាប់ក្នុង Champions League"។
ការថ្លែងរបស់វីរបុរសក្លឹបហង្សក្រហមរូបនេះ ធ្វើឡើងក្រោយមានពាក្យចចាមអារ៉ាមជាច្រើនជាពិសេសមួយរយៈចុងក្រោយ ដែលថា Coutinho អាចនឹងចេញទៅ Barcelona នាខែនេះ។
សូមបញ្ជាក់ផងដែរថា ខ្សែបម្រើប្រយុទ្ធ Coutinho ស៊ុតចូល ១២គ្រាប់ និង បញ្ជូលឲ្យមិត្តរួមក្រុមស៊ុតបាន ៦ដង ហើយឲ្យ Liverpool ក្នុងរដូវកាលនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
