កក្រើកភ្នំពេញ! ចំណុចពិសេសបំផុត៤យ៉ាង រឿងចាប់អ្នកមិនគោរពច្បាប់ព្រឹកមិញ

2018-01-05 05:35:28
ចំនួនមតិ 0 | ចំនួនចែករំលែក 0

ចន្លោះមិនឃើញ

យុទ្ធនាការអនុវត្តច្បាប់ចរាចរណ៍ផ្លូវគោកទ្រង់ទ្រាយធំ ប្រចាំឆ្នាំ២០១៨ បានច្បាប់ផ្ដើមយ៉ាងគគ្រឹកគគ្រេង និងមានការសាទរយ៉ាងខ្លាំងពីប្រជាពលរដ្ឋខ្មែរ។ ខាងក្រោមនេះ គឺជាលក្ខណៈពិសេសៗ ៤យ៉ាង ក្នុងយុទ្ធនាការដ៏កក្រើកមួយនេះ៖

១. នៅតាមតំបន់នីមួយៗមានកងកម្លាំងពិសេសចាំស្ទាក់គ្រប់ជ្រុងមិនអាចគេចរួច

អ្នកបើកបរមិនគោរពច្បាប់គ្រប់រូបភាព មិនអាចបើករត់គេចដូចករណីមុនៗទេ។ កងកម្លាំងពិសេសមានម៉ូតូប្រដេញគ្រប់ទិសចាំស្ទាក់មិនអាចគេចរួចឡើយ។

២. ចាប់បានហើយដឹកទៅដាក់សាលាខណ្ឌភ្លាមៗ មិនចាំបាច់ខលរកជំនួយ

មិនមានករណីផាកពិន័យនៅនឹងកន្លែងទេ គ្រាន់តែបំពេញបែបបទមួយចំនួនអំពីអត្តសញ្ញាណរបស់ខ្លួនរួចរាល់ សមត្ថកិច្ចនឹងលើកដាក់ឡានយកទៅរក្សាទុកនៅសាលាខណ្ឌនីមួយៗ។ ដូច្នេះអ្នកល្មើសច្បាប់ទាំងឡាយ ត្រូវទៅសាលាខណ្ឌដើម្បីដោះស្រាយក្នុងនោះរួមមាន៖ កិច្ចសន្យាឈប់ប្រព្រឹត្តិខុស ទទួលការអប់រំណែនាំ និងត្រូវមានមួកសុវត្ថិភាព កញ្ចក់ ទើបអាចអូសម៉ូតូទៅផ្ទះបាន។

៣. ក្នុងខណ្ឌនីមួយៗ មានម៉ូតូប្រដេញ២៨គ្រឿង រថយន្តម៉ាស្ដា១៤គ្រឿង ម៉ូតូចរាចរណ៍២៨គ្រឿង

៤. គ្រប់ទាំង១២ខណ្ឌសុទ្ធតែកម្លាំងពិសេសសហការយ៉ាងគគ្រឹកគគ្រេងបំផុត

នៅក្នុងយុទ្ធនាការអនុវត្តច្បាប់ចរាចរណ៍ផ្លូវគោកទ្រង់ទ្រាយធំនេះ សុទ្ធតែចូលរួមដោយថ្នាក់ដឹកនាំសំខាន់ៗ។ ជាក់ស្ដែង នាយឧត្ដមសេនីយ៍ ជួន សុវណ្ណ អគ្គស្នងការរងនគរបាលជាតិ បានចេញបញ្ជាឲ្យកម្លាំងសមត្ថកិច្ចរាប់ពាន់នាក់ចូលរួមក្នុងយុទ្ធនាការដ៏ធំសម្បើមមួយនេះតាំងពីម៉ោង ៤ទៀបភ្លឺម្ល៉េះ៕

អត្ថបទ៖ វឌ្ឍនៈ