ចំណូល HTC ប្រចាំឆ្នាំធ្លាក់ដល់ចំណុចទាបបំផុត ក្នុងពេល ១៣ ឆ្នាំនេះ
- 2018-01-09 03:02:33
- ចំនួនមតិ 0 | ចំនួនចែករំលែក 0
ចំណូល HTC ប្រចាំឆ្នាំធ្លាក់ដល់ចំណុចទាបបំផុត ក្នុងពេល ១៣ ឆ្នាំនេះ
ចន្លោះមិនឃើញ
HTC បានបិទបញ្ចប់ឆ្នាំ ២០១៧ ជាមួយចំណូលដែលធ្លាក់ចុះខ្លាំងបំផុត ដោយនៅខែធ្នូឆ្នាំ ២០១៧ រកចំណូលបានត្រឹម ១៣៦ លានដុល្លារ។ ធ្លាក់ចុះដល់ ២៩% បើធៀបនឹងចំណូលខែវិច្ឆិកា ហើយធ្លាក់ចុះ ៣៧,៣% បើធៀបនឹងខែធ្នូ ឆ្នាំ ២០១៦។
ទោះបីជា HTC បានបញ្ចេញ HTC U11+ ដែលជាអាវុធដ៏ខ្លាំងក្លាមួយមែន ប៉ុន្តែហាក់មិនបានជួយឲ្យចំណូល HTC កើនឡើងនោះទេ។ នេះក៏ប្រហែលមកពីការពិបាករកទិញស្មាតហ្វូននេះនៅលើទីផ្សារសហរដ្ឋអាមេរិក។
២០១៧ ជាឆ្នាំដ៏ដុនដាបមួយរបស់ក្រុមហ៊ុនផលិតស្មាតហ្វូនយូរឆ្នាំនេះ។ សរុបចំណូលប្រចាំឆ្នាំ ២០១៧ មានប្រមាណ ២,១ ពាន់លានដុល្លារ ជាតួលេខមួយទាបជាងគេបំផុតក្នុងរយៈពេល ១៣ ឆ្នាំកន្លងមកនេះ។
ត្បិតថាចំណូលរបស់ HTC បន្តធ្លាក់ចុះមែនពិត ប៉ុន្តែតាមរយៈកិច្ចព្រមព្រៀងផ្ដល់សិទ្ធប្រើទ្រព្យសម្បត្តិ និងក្រុមអ្នកផលិត Hardware ឲ្យទៅ Google ក្នុងតម្លៃ ១,១ ពាន់លានដុល្លារ គេសង្ឃឹមថា HTC នឹងអាចងើបឡើងវិញបាននៅលើទីផ្សារសហរដ្ឋអាមេរិក ដែលបច្ចុប្បន្នកំពុងកាន់កាប់ដោយ Samsung និង Apple៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
