Never Care រំពឹងការពារជើងឯកចាស់ ៧០% ពាន MATIC នៅថៃចុងសប្តាហ៍នេះ
- 2018-01-09 23:24:00
- ចំនួនមតិ 0 | ចំនួនចែករំលែក 0
Never Care រំពឹងការពារជើងឯកចាស់ ៧០% ពាន MATIC នៅថៃចុងសប្តាហ៍នេះ
ចន្លោះមិនឃើញ
ក្រុមម្ចាស់ជើងឯកពានអន្តរជាតិ Matic ២០១៧ គឺ ក្រុមល្បីរបស់កម្ពុជាNever Care រំពឹងដល់ ៧០ % ក្នុងការការពារតំណែងជើងឯករបស់ខ្លួនក្នុង ព្រឹត្តិការណ៍អន្តរជាតិមួយនេះប្រចាំឆ្នាំ២០១៨ គ្រោងធ្វើឡើងនៅទឹកដីថៃ ថ្ងៃទី១៣-១៤ ខែមករា ឆ្នាំ២០១៨។
ប្រធានក្រុម Never Care ប្រុសស្អាត សេន តូ បានឲ្យដឹងថា ក្រុមរបស់ខ្លួនមានការរំពឹងខ្ពស់នេះ ដោយសារបច្ចុប្បន្នក្រុមទាំងមូលយល់ចិត្តគ្នាច្រើន។ ទន្ទឹមនេះ ពួកគេក៏មានក្ដីកង្វល់ខ្លះៗដែរ។ ក្ដីកង្វល់ធំបំផុតគឺសមាជិកថ្មី៣រូបស្ទើរបទពិសោធក្នុងការប្រកួតអន្តរជាតិ ពិសេសគឺការប្រកួតក្រៅប្រទេស។
ប្រធានក្រុមរូបនេះបន្ថែមថា សម្រាប់ប្រទេសដែលជាឧបសគ្គធំបំផុតមានពីរគឺ ថៃ និងម៉ាឡេស៊ី។ បើទោះជាមានកង្វល់បែបនេះក្ដី ក្រុមរបស់លោក សំណូមពរអ្នកគាំទ្រឲ្យបានច្រើន ដើម្បីជាកម្លាំងចិត្តក្នុងការចេញប្រកួតតំណាងប្រទេសកម្ពុជា។ សម្រាប់ទស្សនៈរបស់ក្រុមទាំងមូលផ្ទាល់គឺបានប្ដេជ្ញាថា នឹងប្រឹងប្រែងឲ្យអស់ពីកម្លាំងកាយចិត្តដើម្បីការពារជើងឯកចាស់របស់ខ្លួនឲ្យបានជោគជ័យ។
សម្រាប់ព្រឹត្តិការណ៍ខាងលើនេះកម្ពុជាមានពីរក្រុមដែលបានចូលរួមគឺទី១ Never Care ជាជើងឯកថ្នាក់ជាតិ និងទី២ ក្រុម Infinity ជាជើងឯករងថ្នាក់ជាតិ។
ប្រទេសចូលរួមមានចំនួន៦សម្រាប់ MATIC 2018 នៅប្រទេសថៃឆ្នាំនេះគឺ
ម្ចាស់ផ្ទះថៃ មាន៣ក្រុម
កម្ពុជា មាន២ក្រុម
ចិនមាន២ក្រុម
សិង្ហបុរីមាន២ក្រុម
ម៉ាឡេស៊ីមាន២ក្រុម
ឥណ្ឌូណេស៊ីមាន១ក្រុម
- សម្រាប់ប្រាក់រង្វាន់មានដូចខាងក្រោម៖
ក្រុមលេខ១ជាជើងឯក៖ ១៥០០០ដុល្លារអាមេរិក
ក្រុមលេខ២ជាជើងឯករង៖ ៧០០០ដុល្លារអាមេរិក
ក្រុមចំណាត់ថ្នាក់លេខ៣៖ ៤០០០ដុល្លារអាមេរិក
ក្រុមចំណាត់ថ្នាក់លេខ៤៖ ២៥០០ដុល្លារអាមេរិក ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
