Ricky Martin និង Jwan Yosef រៀបការហើយ

2018-01-11 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Ricky Martin និង Jwan Yosef បានប្រកាសប្រាប់ថា ពួកលោកបានរៀបការនឹងគ្នារួចហើយ។ តារាសម្ដែងក្នុងរឿង “The Assassination of Gianni Versace: American Crime Story” រូបនេះបានថ្លែងប្រាប់សារព័ត៌មានE! News ថា៖ "ខ្ញុំជាប្ដី ប៉ុន្តែយើងនឹងធ្វើពិធីជប់លៀងធំៗនៅប៉ុន្មានខែទៀត ខ្ញុំនឹងប្រាប់អ្នកទាំងអស់គ្នា"។

ទោះបីគ្មានកម្មវិធីមួយជាក់លាក់ក៏ពិតមែន ប៉ុន្តែតារាចម្រៀងវ័យ ៤៦ឆ្នាំ និងលោក Jwan Yosef បានរៀបចំអ្វីផ្សេងឱកាសពិសេសនេះ។

តារារូបនេះបាននិយាយទៀតថា៖ "ពួកយើងបានផ្លាស់ប្ដូរពាក្យសច្ចានឹងគ្នា ហើយបានស្បថស្បែគ្រប់យ៉ាង និងបានចុះហត្ថលេខាលើគ្រប់ក្រដាសដែលពួកយើងត្រូវចុះ ដូចជាក្រដាស ព្រមព្រៀងរៀបអាពាហ៍ពិពាហ៍ជាដើម។ វាពិតជាអស្ចារ្យខ្លាំងណាស់! ខ្ញុំមិនអាចនិយាយថាគាត់ជាគូដណ្ដឹងខ្ញុំបាននោះទេ។ ខ្ញុំមិនអាចឡើយ តែគាត់ជាប្ដីរបស់ខ្ញុំ គាត់ជាបុរសរបស់ខ្ញុំ"។

គូស្នេហ៍មួយគូនេះបានសន្យាថានឹងធ្វើពិធីដ៏ធំមួយ ហើយតារាចម្រៀង Ricky Martin និយាយថាភ្ញៀវទាំងអស់អាចចូលរួមពិធីនេះរយៈពេល ៣ថ្ងៃ ទោះបីជាពួកគេមិនទាន់បានកំណត់ទីតាំងប្រារព្ធពិធីនេះច្បាស់លាស់នៅឡើយនោះ។

គូស្នេហ៍មួយគូនេះបានចាប់ផ្ដើមទាក់ទងគ្នាក្នុងឆ្នាំ២០១៦ ហើយក្នុងខែវិច្ឆិកាក្នុងឆ្នាំដដែល លោក Ricky Martinបានប្រកាសប្រាប់ថាពួកគេបានភ្ជាប់ពាក្យនឹងគ្នាក្នុងកម្មវិធី The Ellen DeGeneres Show៕

ប្រភព៖ Eonline ប្រែសម្រួល៖ អន សុភក្ត្រា