ធ្វើលិខិតថ្កោលទោស​តាមអនឡាញ​ដំណាក់កាលទី២ ចាប់ពីខែក្រោយ នឹង​កាន់តែងាយ​ស្រួលរហ័សជាងមុនទៀត

  • 2024-04-26 07:11:50
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងយុត្តិធម៌ បាន​ចេញ​សេចក្តីជូនដំណឹង​ថា ដើម្បីបង្កើនភាព​ងាយស្រួល​ និងភាពឆាប់រហ័សបន្ថែម​ទៀត​ដល់​សាធារណជន លើការស្នើសុំ​ព្រឹត្តិបត្រ​ថ្កោលទោស​ ក្រសួង​នឹងដាក់​ឱ្យដំណើរការ សេវាព្រឹត្តិបត្រថ្កោលទោស​តាមប្រព័ន្ធឌីជីថល​ក្នុងដំណាក់កាលទី២ ចាប់ពីថ្ងៃទី២ ខែឧសភា ឆ្នាំ​២០២៤ ខាងមុខនេះតទៅ។

ការ​ដាក់​ឱ្យដំណើរការ​សេវាព្រឹត្តិបត្រ​ថ្កោលទោស​តាមប្រព័ន្ធ​ឌីជីថល​ក្នុងដំណាក់កាលទី២នេះ នឹង​ជួយសម្រួល​ និងអនុញ្ញាត​ឱ្យ​អ្នកស្នើសុំ​ធ្វើការ​បំពេញ​ពាក្យសុំ​ព្រឹត្តិបត្រ​ថ្កោលទោស ដោយភ្ជាប់នូវ​ឯកសារ​ចាំបាច់​មួយចំនួន​តាម​អនឡាញ ព្រមទាំង​អាច​ទូទាត់​ប្រាក់សេវាតាមប្រព័ន្ធអេឡិចត្រូនិក (E-payment)។

ដើម្បីប្រើប្រាស់​សេវាព្រឹត្តិបត្រថ្កោលទោស​តាមប្រព័ន្ធឌីជីថល ក្នុងដំណាក់កាលទី២​នេះ តម្រូវឱ្យសាធារណជន​ទាញយកកម្មវិធី​ដែលមានឈ្មោះថា «CR-MOJ» ពី APP Store និង PLAY Store។

សូមទស្សនាវីដេអូ៖

បើតាម​សេចក្តីជូនដំណឹងដដែល​បាន​បញ្ជាក់​ថា នៅពេល​ដល់ថ្ងៃកំណត់ទទួល​យកព្រឹត្តិបត្រ​ថ្កោលទោស ​សម្រាប់​អ្នកនៅក្នុងប្រទេស គឺ​ត្រូវមកទទួលដោយផ្ទាល់​នៅនាយកដ្ឋានកិច្ចការថ្កោលទោស នៃក្រសួងយុត្តិធម៌ និងត្រូវភ្ជាប់​មកជាមួយ​នូវឯកសារ​ច្បាប់ដើមពាក់ព័ន្ធនានា និងសម្រាប់​អ្នកនៅក្រៅប្រទេស ត្រូវអញ្ជើញ​មកទទួល​ដោយផ្ទាល់នៅបណ្តាស្ថានទូត ឬស្ថានកុងស៊ុល​កម្ពុជា ឬនៅតាម​ការិយាល័យ​ប្រៃសណីយ៍ ដែលនៅជិតបំផុត និងត្រូវភ្ជាប់មកជាមួយ​នូវ​ឯកសារ​ច្បាប់ដើមពាក់ព័ន្ធនានា៕

អត្ថបទ៖ សំភី

អត្ថបទពេញនិយម