Real Madrid ស្មើ Numancia តែឡើងវគ្គបន្តដោយសារលទ្ធផលជើងទីមួយ
- 2018-01-11 03:00:41
- ចំនួនមតិ 0 | ចំនួនចែករំលែក 0
Real Madrid ស្មើ Numancia តែឡើងវគ្គបន្តដោយសារលទ្ធផលជើងទីមួយ
ចន្លោះមិនឃើញ
គ្រាប់បាល់៤គ្រាប់បានកើតឡើងក្នុងការប្រកួតវគ្គ១៦ក្រុមចុងក្រោយ ជើងទី២ Spanish Copa del Rey រវាង Real Madrid និង Numancia យប់មិញ។
ការប្រកួតនៅកីឡដ្ឋាន Santiago Bernabeu លេងបាន១០នាទីខ្សែបម្រើ Vázquez តែតបញ្ចូលទីឲ្យម្ចាស់ផ្ទះនាំមុខមួយគ្រាប់មុន។ ការនាំមុខរបស់ Real មិនបានដល់ចប់វគ្គទីមួយទេពោលគឺនាទី៤៥ Fernández Hierro បានស៊ុតឲ្យ Numancia ស្មើបានវិញ។
វគ្គទី២ Vázquez ដដែលបានរកឃើញគ្រាប់ទីពីរឲ្យក្រុមលោក Zidane ក្រោយទាត់ផ្កាប់ចានទម្លុះអ្នកចាំទី ប៉ុន្តែ Hierro ក៏តែតបាន១គ្រាប់ទៀតដែរនៅនាទី៨២ឲ្យក្រុម Numancia ស្មើគ្នាជាមួយ Real Madrid ២-២ បើទោះជាជើងទីមួយពួកគេចាញ់ ៣ទល់នឹង០ ក៏ដោយ។ លទ្ធផលគូដទៃ Alaves ២ - ០ SD Formentera ខណៈ Villarreal ២ – ១Leganes៕