Arsenal អាចទាត់ចោល Wenger ហើយស្រវាយក Ancelotti
- 2018-01-11 13:19:00
- ចំនួនមតិ 0 | ចំនួនចែករំលែក 0
Arsenal អាចទាត់ចោល Wenger ហើយស្រវាយក Ancelotti
ចន្លោះមិនឃើញ
បើតាមរបាយការណ៍របស់សារព័ត៌មានអ៊ីតាលី Corriere dello Sport ហើយត្រូវបានយកមកចុះផ្សាយដោយ Metro ក្នុងថ្ងៃនេះបានឲ្យដឹងថា លោក Carlo Ancelotti អាចនឹងក្លាយជាអ្នកចាត់ការក្លឹបកាំភ្លើងធំ Arsenal ជំនួសលោក Arsene Wenger នៅរដូវកាលក្រោយ។
បើតាមប្រភពដដែល លោក Ancelotti បានយល់ព្រមជាមួយ Arsenal ហើយក្នុងការក្លាយអ្នកចាត់ការក្លឹបនេះនៅរដូវកាលក្រោយ។ សារព័ត៌មាន Corriere dello Sport ហ៊ានទាំងអះអាងទៀតថា លោកនឹងចុះកុងត្រារយៈពេល ៤ឆ្នាំជាមួយក្លឹបកាំភ្លើងធំ ហើយនឹងទទួលបានប្រាក់ឈ្នួលដល់ទៅ ៨.៧លានផោនក្នុងមួយរដូវកាល។
ពាក្យល្ហិចល្ហៀងនេះ ធ្វើឡើងបន្ទាប់Arsenalទើបតែត្រូវបានទម្លាក់ចេញពី FA Cup ដោយក្លឹបលីគលំដាប់ពីរនៅអង់គ្លេស Nottingham Forest ក្នុងលទ្ធផល ៤ ទល់នឹង ២ កាលពីពេលថ្មីៗនេះ ខណៈក្លឹបកំពុងឈរលេខ ៦ក្នុងលីគកំពូលអង់គ្លេស ដោយឃ្លាតពី Mancester City ចំនួន ២៣ពិន្ទុ។
កន្លងមក មានពាក្យចចាមអារ៉ាមជាច្រើនដែលថា លោក Ancelotti បានបោះចោលឱកាសក្នុងការដឹកនាំជម្រើសជាតិអ៊ីតាលី ហើយមានបំណងចង់មកដឹកនាំនៅអង់គ្លេសវិញ បន្ទាប់ពីត្រូវបាន Bayern Munich បណ្ដេញចេញពីតំណែងអ្នកចាត់ការកាលពីខែកញ្ញាឆ្នាំមុន។ បុរសជនជាតិអ៊ីតាលីរូបនេះ ធ្លាប់ដឹកនាំ Chelsea កាលពី ២០០៩ ដល់ឆ្នាំ ២០១១ និងបានជួយក្លឹបឲ្យឈ្នះពាន Premier League និង FA Cup ក្នុងអំឡុងពេលនោះ៕