មកស្គាល់កំពូលវេជ្ជបណ្ឌិតមានទ្រព្យច្រើនជាងគេ១០នាក់លើលោក
- 2018-01-14 10:02:10
- ចំនួនមតិ 0 | ចំនួនចែករំលែក 0
មកស្គាល់កំពូលវេជ្ជបណ្ឌិតមានទ្រព្យច្រើនជាងគេ១០នាក់លើលោក
ចន្លោះមិនឃើញ
លោកអ្នកតែងតែដឹងពីអ្នកជំនួញ ឬអ្នកសិល្បៈដែលជាកំពូលមហាសេដ្ឋីលើលោក ប៉ុន្តែមិនសូវបានដឹងពីអ្នកមានផ្នែកវេជ្ជសាស្ត្រឡើយ។ ថ្ងៃនេះសូមមកស្គាល់អ្នកមានទ្រព្យច្រើនជាងគេ១០នាក់ផ្នែកវេជ្ជសាស្ត្រ។
១០. លោកវេជ្ជបណ្ឌិត Travis Stork
លោក Travis Lane Stork វេជ្ជបណ្ឌិតអាមេរិក និងជាពិធីករទូរទស្សន៍ដែលត្រូវបានគេស្គាល់តាមរយៈកម្មវិធី The Bachelor និងកម្មវិធី The Doctors។ លោកមានទ្រព្យសម្បត្តិជាង៨លានដុល្លារអាមេរិក។
៩. លោកវេជ្ជបណ្ឌិត Mehmet Oz
លោកវេជ្ជបណ្ឌិត Oz ជាអ្នកជំនាញសុខភាពដែលល្បីក្នុងកម្មវិធីទូរទស្សន៍“The Oprah Winfrey Show”។ លោកមានទ្រព្យសម្បត្តិប្រហែលជា១៤លានដុល្លារអាមេរិក។
៨. លោកវេជ្ជបណ្ឌិត David Drew Pinsky
លោក David Drew Pinsky វេជ្ជបណ្ឌិតអាមេរិកដ៏ល្បីល្បាញមានជំនាញផ្នែកជំងឺសេរីរាងទូទៅ ជំនាញឱសថ និងជាអ្នកកាសែតផង។ លោកត្រូវបានគេស្គាល់ខ្លាំងតាមរយៈកម្មវិធីទូរទស្សន៍ដ៏ល្បី“Loveline”។ លោកមានទ្រព្យសម្បត្តិប្រហែលជា២០លានដុល្លារអាមេរិក។
៧. លោកវេជ្ជបណ្ឌិត Terry Dubrow
លោក Terry Dubrow ជាអ្នកជំនាញវះកាត់អាមេរិក និងពិធីករទូរទស្សន៍។ លោកល្បីក្នុងកម្មវិធី The Swan។ កើតឆ្នាំ១៩៥៨ នៅឡូស អេនជឺឡេស លោកបានសរសេរសៀវភៅជាច្រើនក្បាល និងមានទ្រព្យប្រហែលជា៣០លានដុល្លារអាមេរិក។
៦. លោកវេជ្ជបណ្ឌិត Phillip C. McGraw
លោក Phillip C. McGraw មានបទពិសោធ២៥ឆ្នាំហើយផ្នែកចិត្តវិទ្យា សង្គមវិទ្យា និងការសង្កេតមើល ព្រមទាំងជាអ្នកជំនាញទូរទស្សន៍ដែរ។ លោកមានទ្រព្យប្រមាណ២៨០លានដុល្លារអាមេរិក។
៥. លោកស្រីវេជ្ជបណ្ឌិត Katie Rodan
លោកស្រី Katie Rodan ជាគ្រូពេទ្យឯកទេសរោគសើស្បែក សហគ្រិន និងជាអ្នកនិពន្ធ។ ឆ្នាំ២០០៨លោកស្រីជាប់ឈ្មោះជាកំពូលវេជ្ជបណ្ឌិតទាំង១០នៅទស្សនាវដ្តី Oakland Magazine។ លោកស្រីមានលុយ៣២០លានដុល្លារអាមេរិក។
៤. លោកស្រីវេជ្ជបណ្ឌិត Kathy Fields
លោកស្រី While Katie ជាគ្រូពេទ្យជំនាញរោគសើស្បែកនៅសាន់ហ្វ្រាន់សិស្កូ កាលីហ្វញ៉ា និងនៅមជ្ឈមណ្ឌលវេជ្ជសាស្ត្រ California Pacific Medical Center។ លោកស្រីមានលុយ៣២១លានដុល្លារអាមេរិក។
៣. លោកវេជ្ជបណ្ឌិត Wu Yiling
លោកវេជ្ជបណ្ឌិត Wu Yiling ជាកូនប្រុសរបស់លោកវេជ្ជបណ្ឌិតម្នាក់ដែលធ្លាប់បានអនុវត្តថ្នំាចិនរយៈពេល១១ឆ្នាំមុនពេលបង្កើតឱសថដ្ឋាន Yiling Pharmaceutical ឆ្នាំ១៩៩២។ និយាយទៅលោកជាសេដ្ឋីវេជ្ជបណ្ឌិតដែលមានលុយ១.៧ប៊ីលានដុល្លារអាមេរិក។
២. លោកវេជ្ជបណ្ឌិត Thomas Frist, Jr
លោកវេជ្ជបណ្ឌិត Thomas Frist បានក្លាយជាគ្រូពេទ្យដែលមានលុយច្រើនបំផុតម្នាក់ក្នុងពិភពលោក។ លោកជាសហស្ថាបនិកមន្ទីរពេទ្យ Hospital Corporation of America ដែលរកប្រាក់បានរាប់ពាន់លានដុល្លារក្នុងមួយៗឆ្នាំ។ លោកមានលុយជាង៩ប៊ីលានដុល្លារអាមេរិក។
១. លោកវេជ្ជបណ្ឌិត Patrick Soon Shiong
លោកវេជ្ជបណ្ឌិត Patrick Soon Shiong ជាគ្រូពេទ្យដែលមានលុយច្រើនជាងគេបំផុតក្នុងលោក។ លោកជាអ្នកជំនាញវះកាត់បេះដូង។ លោកមានគម្រោង philanthropic ជុំវិញពិភពលោក និងជាសាស្ត្រាចារ្យ អ្នកស្រាវជ្រាវ ឱកាសថការី និងជាអ្នកជំនួញរបស់អាមេរិក។ លោកមានលុយរហូតជាង១២ប៊ីលានដុល្លារអាមេរិក៕